სამეგრელო ზემო სვანეთის ყოფილ სამხარეო პროკურორს და დეპუტატს როლანდ ახალაიას

თბილისის  საქალაქო სასამართლოს მოსამართლე დავით მგელიაშვილმა გამამართლებელი განაჩენი გამოუტანა.

 განაჩენის სარეზოლუციო ნაწილის  გამოცხადების შემდეგ,  მოსამართლე  დავით მგელიაშვილმა საკმაოდ ვრცელი განმარტება  გააკეთა და ისაუბრა  იმ მიზეზებზეც, რის გამოც როლანდ ახალაიას მიმართ   გამამართლებელი განაჩენი გამოიტანა.

მოსამართლის განმარტებით, გადაწყვეტილებას საფუძვლად დაედო  საქმის განხილვის დროს დაზარალებულების ჩვენება, რომლის მიხედვითაც ყოფილი პროკურორის მხრიდან თანხის გამოძალვას ადგილი არ ჰქონია.

ამასთან მოსამართლე მგელიაშვილმა აღნიშნა, რომ ნებისმიერ თანამდებობის პირს საქველმოქმედო საქმიანობის  უფლება აქვს და ეს როლანდ ახალაის მხრიდან არ იყო დანაშაული.

როგორც როლანდ ახალაიამ, სასამართლო პროცესის დასრულების შემდეგ ჟურნალისტებთან საუბრისას აღნიშნა, მას დანაშაული არ ჩაუდენია და ეს იყო პოლიტიკური დევნა.

"მე ვიცოდი, რომ დანაშაული არ ჩამიდენია. ეს იყო პოლიტიკური დევნა. მე არაერთხელ ვთქვი და სამწუხაროდ, ამას დღემდე არავინ უსმენდა. ვიცოდი, რომ სამართლიანი სასამართლოს შემთხვევაში გამამტყუნებელი განაჩენი არ უნდა დამდგარიყო. ჩემი აზრით, შეიძლება ბევრი ზეწოლა განხორციელდა მოსამართლეზე, მაგრამ სასამართლომ საბედნიეროდ, გაუძლო ამ ზეწოლას. იმედი მრჩება, რომ სასამართლოში დარჩნენ ადამიანები, რომლებიც სამართლიანი სასამართლოს შექმნაში დებენ თითო აგურს. ამ საქმეს არ ჰყავდა დაზარალებული და როგორ შეიძლება, როდესაც დაზარალებული არ არის, დანაშაულს ჰქონოდა ადგილი", -ახალაიამ.

ცნობისთვის, დეპუტატ როლანდ ახალაიას ბრალი სამსახურებრივი უფლებამოსილების გადამეტების მუხლით ჰქონდა წარდგენილი.

სასამართლოს გადაწყვეტილებით ერთი თვის განმავლობაში მას უნდა დაუბრუნდეს გადახდილი გირაო 10 ათასი ლარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა

„ივრის ფერმებში“ მოსავლის აღების დროა - ბაზისბანკი საქართველოში ნუშის კულტურის დანერგვის მხარდამჭერია

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი