|
2026-11-20 15:36:50, 214 ნახვა
სხვადასხვა
მეხანძრე-მაშველი ბექა დაუდაშვილი 3 წლის თაიას გადარჩენაზე: ეს ემოცია დაუვიწყარია
მეხანძრე-მაშველმა, ბექა დაუდაშვილმა 3 წლის თაიას ნანგრევებიდან ამოყვანისა და გადარჩენის ამბავი „იმედის დღეში“ გაიხსენა. მისი თქმით, ეს ემოცია დაუვიწყარია. „ეს არის, როგორც საკუთარი შვილი ჩაიხუტო იმ მომენტში ამ რთული სიტუაციიდან. ძალიან ძნელია ამ ემოციის სიტყვებით გამოხატვა. სირთულე იყო ბავშვის გამოყვანასთან დაკავშირებით. წარმოუდგენლად რთული გამოსაყვანი იყო, რადგან ბავშვი ისე იყო მოყოლილი, რომ გამოყვანა გაჭირდა“, - განაცხადა მეხანძრე-მაშველმა. მისივე თქმით, მეხანძრე-მაშველებს გააჩნიათ ყველანაირი რესურსი და მსგავს სიტუაციებში სამოქმედოდ შესაბამისი სწავლება გაიარეს. „გუშინ როდესაც შევედით ბავშვთან, ბავშვი არ იყო კონტაქტური. სახე ჰქონდა დაფარული, პარკი ჰქონდა და ცხვირიდან სუნთქავდა. სიტყვებსაც ვერ გადმოგვცემდა. ერთი პერიოდი იყო, რომ ფეხს ამოძრავებდა და ფეხიც არ გაგვიმოძრავდა, როდესაც შიგნით შევაღწიეთ“, - განაცხადა ბექა დაუდაშვილმა. მისივე თქმით, ნანგრევებიდან გათავისუფლების შემდეგ, 3 წლის თაია დიდი ადამიანივით იქცეოდა. „როდესაც მივედით, ცოტა წამოიტირა, რადგან სახე დაფარული ჰქონდა და ხმამაღლა ვერ ტიროდა, ვერ ახერხებდა ტირილს. შემდეგ, როცა გავუთავისუფლეთ, ცოტა ხანს წამოიტირა, მერე დავამშვიდეთ, როგორც დიდი ადამიანი ისე იქცეოდა. მერე კონტაქტშიც შემოვიდა“, - აღნიშნა მეხანძრე-მაშველმა. ინგოროყვას კლინიკის კლინიკური დირექტორის, კახაბერ ჭელიძის განცხადებით, ფონიჭალაში, კორპუსში მომხდარი აფეთქების შედეგად კლინიკაში მოთავსებული ორი არასრულწლოვანის, 11 წლის ბიჭისა და 3 წლის გოგონას ჯანმრთელობის მდგომარეობის მართვაში ფსიქოლოგები ჩაერთვებიან. ფონიჭალაში, კორპუსში მომხარ აფეთქებას 6 ადამიანის სიცოცხლე ემსხვერპლა.
PSP-ში 80%-მდე ფასდაკლებების ცვენა დაიწყო – დააცარიელეთ სურვილების სია
მოსამართლემ ზაზა ბიბილაშვილი სხდომიდან გააძევა
გაგა გიგაშვილი 3 წლის თაიაზე: 8 საათის განმავლობაში ხელში სათამაშო და თმის სამაგრი ეჭირა. დაახლოებით კორპუსის სამი სართულის ნანგრევები ეყარა ბავშვს თავზე
მეხანძრე-მაშველი ბექა დაუდაშვილი 3 წლის თაიას გადარჩენაზე: ეს ემოცია დაუვიწყარია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკიმ ომის დასრულების შემდეგ უკრაინაში ამერიკული და ევროპული ჯარების განლაგება შესთავაზა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ელენე გვიმრაძე, ექსპრესნიუსის რეპორტიორი 2018 წლიდან



