ე.წ. კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს. ამის შესახებ ინფორმაციას შსს-ში ადასტურებენ.

 ორივე პირი წინასწარი დაკავების იზოლატორშია მოთავსებული. 

"ექსპრესნიუსის" ცნობით, გამოძიება ჯგუფურად განხორციელებული ძალადობის ბრალდებით, სისხლის სამართლის კოდექსის 126-ე მუხლის 1-ელი პრიმა ნაწილის „ბ“ ქვეპუნქტით მიმდინარეობს.

 ვატო ყიფიანი უკრაინის ეროვნულმა პოლიციამ ქვეყნის უსაფრთხოებისთვის საფრთხის შემცველ პირთა სანქციების სიის საფუძველზე საქართველოში გამოაძევა. თბილისის საერთაშორისო აეროპორტში ჩამოსვლისთანავე იგი სამართალდამცველებმა დააკავეს. 

2021 წელს მას ბრალი წარედგინა დამამძიმებელ გარემოებებში განზრახ მკვლელობის მომზადებისა (სსკ-ის 18-109 მუხლი) და ცეცხლსასროლი იარაღის/ასაფეთქებელი ნივთიერებების უკანონო შეძენა-შენახვისთვის. საქმე ეხებოდა ძმები დავით და გიორგი ფეიქრიშვილების ავტომობილის აფეთქების მცდელობასა და მათი მკვლელობის ორგანიზებას.

ავთანდილ ბილანიშვილი, რომელიც საზოგადოებაში მეტსახელად „კაწრო“ არის ცნობილი, ქართულ მედიაში ხშირად ფიგურირებს ე.წ. კრიმინალურ სამყაროსთან და რეზონანსულ საქმეებთან კავშირში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს

კირცხალია: ჭორი და სიცრუეა, თითქოს უმრავლესობის ლიდერის თანამდებობას ვტოვებ

ხაბეიშვილი საკონსტიტუციო სასამართლოში ოპოზიციური პარტიების აკრძალვის პროცესზე დასწრებას მოითხოვს

ევროკავშირი უკრაინას Starlink-ის ალტერნატივას შესთავაზებს