ვივამედის კლინიკური დირექტორის, ზურაბ ჩხაიძის თქმით, პაპუნა ლოცულაშვილმა, რომელზეც 27 მაისს, გორში, პოლიციელებმა დაკავების დროს ჯგუფურად იძალადეს, კლინიკა დატოვა.

ლოცულაშვილს "ზედაპირული დაზიანებები აღენიშნებოდა და არ საჭიროებდა სტაციონარულ მკურნალობას".

"კლინიკა დატოვა. 02:00 საათზე მოგვმართა თვითდინებით. კონსულტირებული იქნა ჩივილებიდან გამომდინარე სხვადასხვა სპეციალისტის ტრავმატოლოგის და ნევროლოგის მიერ. აღენიშნებოდა ზედაპირული დაზიანებები და არ საჭიროებდა სტაციონარულ მკურნალობას.

რაც შეეხება რა სახის დაზიანება ჰქონდა მიყენებული და სად, ზედაპირული დაზიანებები იყო, ხარისხსა და სიმძიმეზე ექპსერტიზა გაგცემთ პასუხს". - განაცხადა კლინიკის დირექტორმა.

შეგახსენებთ, 27 მაისს, გორში, პოლიციელები 2 მოქალაქეს ფიზიკურად გაუსწორდნენ, ფაქტი ჟურნალისტებმა დააფიქსირეს.

პროკურატურამ პოლიციელების მიერ სამსახურებრივი უფლებამოსილების ძალადობით გადამეტების ფაქტზე ექვსი პირი დააკავა. - ინფორმაციას საქართველოს პროკურატურა ავრცელებს.

პროკურატურის ცნობით, შიდა ქართლისა და მცხეთა-მთიანეთის საოლქო პროკურატურის საგამოძიებო სამმართველოს მიერ, შინაგან საქმეთა სამინისტროს გენერალურ ინსპექციასთან კოორდინაციით ჩატარებული გამოძიებით დადგინდა, რომ 2026 წლის 27 მაისს, ქალაქ გორში, ბრალდებულებმა დაზარალებულის დაკავებისას, ძალადობით გადაამეტეს სამსახურებრივ უფლებამოსილებას. განხორციელებული ძალადობის შედეგად, არსებითად დაირღვა დაზარალებულის უფლებები, ამასთან დაზიანდა მისი ჯანმრთელობა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო