საქართველოს კონკურენციისა და მომხმარებლის დაცვის სააგენტომ გულიანი-ს, რომელიც რესტორან „ხინკლის სახლს“ ოპერირებს, „მომხმარებლის უფლებების დაცვის შესახებ“ საქართველოს კანონის დარღვევის ფაქტი დაუდასტურა.

საქმის შესწავლის შედეგად დადგინდა, რომ კომპანია საცნობარო კვების მენიუში მომხმარებელს საქონლის საბოლოო ფასის შესახებ სრულ ინფორმაციას არ აწვდიდა, რადგან მენიუში მითითებულ ფასებს დამატებით მომსახურების 15% ემატებოდა.

კონკურენციის სააგენტოში ამბობენ, როდესაც მოვაჭრე მომსახურების გადასახადს მხოლოდ პროცენტული მაჩვენებლით უთითებს და მომხმარებელს საბოლოო ფასის დამოუკიდებლად გამოთვლა უწევს, ეს უსამართლო კომერციულ საქმიანობად მიიჩნევა.

სააგენტოში განმარტავენ, რომ მომხმარებელს არ უნდა უწევდეს დამატებითი ქმედების განხორციელება მათ შორის, საბოლოო ფასის კალკულაცია იმისთვის, რომ ხელშეკრულების გაფორმებამდე კანონით გათვალისწინებული ინფორმაცია მიიღოს.

მიღებული გადაწყვეტილებით, კანონდარღვევის აღმოფხვრის მიზნით, კომპანიას დაევალა, ერთი თვის ვადაში კვების მენიუში ცვლილებები შეიტანოს და მომხმარებელს საქონლის საბოლოო ფასის შესახებ სრულყოფილი ინფორმაცია მიაწოდოს. სააგენტოს მოთხოვნით, ფასში ასახული უნდა იყოს დამატებული ღირებულების გადასახადი და ყველა სხვა გადასახადი/ხარჯი, მათ შორის მომსახურების საფასური.

სააგენტო ასევე აღნიშნავს, რომ გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს შესაძლოა დაეკისროს ჯარიმა, რომლის ოდენობა წინა ფინანსური წლის წლიური ბრუნვის 2%-ს არ უნდა აღემატებოდეს. ხოლო 12 თვის განმავლობაში დარღვევის განმეორება დაკისრებული ჯარიმის გაორმაგებას გამოიწვევს.

ავტორი: ექსპრესნიუსი,

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა