ირანში გამართული ანტისამთავრობო აქციების დროს დაახლოებით 2 000 ადამიანი დაიღუპა, მათ შორის უსაფრთხოების ძალების თანამშრომლები.

ამ ინფორმაციას Reuters ირანელ ოფიციალურ პირებზე დაყრდნობით ავრცელებს და წერს, რომ ეს არის პირველი შემთხვევა, როდესაც რეჟიმი საჯაროდ აღიარებს დაღუპულთა ასეთ მაღალ რაოდენობას, ორკვირიანი საპროტესტო აქციების ინტენსიური ჩახშობის მიუხედავად.

ირანელმა ოფიციალურმა პირმა, რომელმაც Reuters-ს ეს ინფორმაცია ანონიმურობის პირობით მიაწოდა, უთხრა, რომ როგორც მომიტინგეების, ისე უსაფრთხოების ძალების თანამშრომლების დაღუპვაზე პასუხისმგებლები "ტერიტორისტები" არიან. 

მას არ დაუკონკრეტებია, დაღუპულთა შორის რამდენია დემონსტრანტი და რამდენი - უსაფრთხოების ძალების თანამშრომელი. 

Reuters წერს, რომ არეულობა, რომელიც ირანში მძიმე ეკონომიკურმა პირობებმა გამოიწვია, ირანის ხელისუფლებისთვის მინიმუმ, ბოლო 3 წლის განმავლობაში ყველაზე სერიოზულ შიდა გამოწვევად იქცა და ეს ემთხვევა საერთაშორისო ზეწოლის გაძლიერებას, მას შემდეგ, რაც შარშან ისრაელისა და აშშ-ის მხრიდან დარტყმები განხორციელდა. 

Reuters ციტირებს ირანის სასულიერო ხელისუფლებას, რომელიც ერთის მხრივ აცხადებს, რომ ეკონომიკურ პრობლემებზე პროტესტი ლეგიტიმურია, თუმცა მეორეს მხრივ პროტესტის მიმართ მკაცრ მიდგომას ახორციელებს - ისინი აშშ-სა და ისრაელს ადანაშაულებენ არეულობის წაქეზებაში და აცხადებენ, რომ პროტესტი მათ მიერ "ტერორისტებად" მოხსენებულმა უცნობმა პირებმა "მიიტაცეს".

მანამდე, უფლებადამცველმა ორგანიზაციამ განაცხადა, რომ ირანში მიმდინარე ანტისამთავრობო აქციებს ასობით ადამიანი ემსხვერპლა, ათასობით დემონსტრანტი კი დააკავეს. თუმცა, ბოლო დღეებში ირანში კომუნიკაციების შეზღუდვებმა, მათ შორის ინტერნეტის გათიშვამ, მნიშვნელოვნად შეაფერხა ინფორმაციის გავრცელება. 

ავტორი: ექსპრესნიუსი,

სოციალური ქსელები

უკრაინულმა დრონებმა დაბომბეს ტვერის ოლქში უდიდეს ქიმიურ ქარხანა, რომელიც სარაკეტო საწვავს აწარმოებს

თსუ-ს პროფესორი, თამარ ბელქანია ამბობს, რომ თსუ-ს რექტორმა, ჯაბა სამუშიამ თანამდებობა დატოვა

მივიღეთ შეტყობინება დანონის კონკრეტული პროდუქციის ბაზრიდან გამოთხოვის შესახებ - სეს

ფარიკაობის მსიფლიო ჩემპიონატები საქართველოში უსმანოვის მოთხოვნით გაიმართა, იმისთვის რომ რუსებს პრობლემები არ შექმნოდათ