კოალიცია ცვლილებისთვის" წევრს, გელა ხასაიას, აღკვეთის ღონისძიების სახით პატიმრობა შეეფარდა.  გადაწყვეტილება თბილისის საქალაქო სასამართლოში მოსამართლე ნანა შამათავამ გამოაცხადა. შემდეგი სასამართლო სხდომა 20 ნოემბერს, 13:00 საათზე გაიმართება

 დღევანდელ პროცესზე ხასაიამ დაკავების დეტალები გაიხსენა. თქვა, რომ 10-მდე ადამიანმა დააკავა, მანქანაში ჩატენა და განყოფილებაში გადაიყვანა, სადაც სრულიად გააშიშვლეს და ისე გაჩხრიკეს. პარალელურად, პროკურორი მარიამ წულაია ამტკიცებდა, რომ ხასაია განყოფილებაში თავად მივიდა

„წამიყვანეს მარჯანიშვილის ტერიტორიაზე, დიდ ოთახში შემიყვანეს, 20-მდე პოლიციელი იყო, არავინ მეუბნებოდა რატომ მიმიყვანეს, განყოფილებაში სრულიად გამაშიშვლეს და ისე გამჩხრიკეს, დაახლოებით 20 წუთის შემდეგ იგივე გააკეთეს სხვა ოთახში, მზია ამაღლობელს მახსენებდნენ ხშირად, ასევე ჩემს მეგობარ საბა სხვიტარიძეს და მეუბნებოდნენ რომ ორივე ძმაკაცი მოძალადეები ხართო“ — ამბობს გელა ხასიაა სასამართლო პროცესზე 

გელა ხასაიას 4-დან 6 წლამდე პატიმრობა ემუქრება - მას ბრალი ჯგუფურად ჩადენილი ჯანმრთელობის განზრახ ნაკლებად მძიმე დაზიანების მუხლით წარუდგინეს: "ჩატარებული გამოძიებით დადგინდა, რომ 1 სექტემბერს, თბილისში, თამარ მეფის გამზირის მიმდებარე ტერიტორიაზე, ბრალდებულებმა ჯგუფურად ჯანმრთელობის განზრახ დაზიანება მიაყენეს დაზარალებულს. სამართალდამცველებმა ბრალდებულები 29 სექტემბერს დააკავეს..." | დაწერა პროკურატურამ დღეს გავრცელებულ განცხადებაში

ავტორი: ექსპრესნიუსი,

სოციალური ქსელები

შემოსავლების სამსახურის უფროსის ყოფილ მოადგილეს 1 წლითა და 6 თვით პატიმრობა შეეფარდა

ალიევის რეჟიმის მუქარა საქართველოს- არაა რეკომენდებული, რომ საპატრიარქო სომხეთის ეკლესიის გზას გაყვეს

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა