ფიზიკური ანგარიშსწორება პოლიტიკური ნიშნით  თბილისში, მოქალაქეს უცნობი პირი  დაესხა და მრავლობითი დაზიანებები მიაყენა. შემთხვევა 7 მარტს, ანდრეა აფაქიძის ქუჩაზე მოხდა. სამუკა დარჩია „ექსპრესნიუსთან“ ინტერვიუში მომხდარის დეტალებს იხსენებს და ამბობს, რომ დაახლოებით 01:30 საათზე, სამსახურის ოფისიდან გამოვიდა და საწყობისკენ მიემართებოდა, რა დროსაც თავდამსხმელმა მას ჯერ ზურგის, შემდეგ კი თავის არეში ბლაგვი საგანი ჩაარტყა.

დარჩია მომხდარს მის პოლიტიკურ შეხედულებებს უკავშირებს. კერძოდ, განმარტავს, რომ თებერვლის
ბოლოს, როდესაც უკრაინაში ომის საწყისი ეტაპი იყო, Fაცებოოკ-ში, საქართველოს მთავრობის სხდომის
Lივე-ზე დაწერა, რომ „ქართული ოცნება“ არ გამოხატავდა მოქალაქეების პოზიციას მმართველი
პარტიის წარმომადგენლები „უმაქნისებად“ მოიხსენია, რის შემდეგაც მუქარის შემცველი
შეტყობინებები მიიღო. მას აფრთხილებდნენ, რომ „იპოვიდნენ და პასუხს მოსთხოვდნენ“.
ამასთან, როგორც სამუკა დარჩია ყვება, თავდამსხმელი მას სიტყვიერ შეურაცხყოფასაც აყენებდა და
ყვიროდა, რომ „ნაცები უარესსაც უნდა ელოდონ“.
„ვმუშაობდი, ოფისიდან გავედი და საწყობისკენ მივემართებოდი, რა დროსაც მოულოდნელად
ზურგიდან ვიგრძენი ძლიერი ჩარტყმა. ამის შემდეგ დავეცი. ჩარტყმის შემდეგ, ამ პიროვნებამ
რამდენიმეჯერ ფეხი ჩამარტყა, შემდეგ კი გაიქცა. იგინებოდა, ყვიროდა რომ ნაცებს უარესი მოუვათ და
ხელისუფლებაში ვერასდროს დაბრუნდებიან“, - ამბობს დაზარალებული მოქალაქე.
ამასთან, ის პოლიციას უმოქმედობაში ადანაშაულებს და ფიქრობს, რომ საქმეს არ გამოიძიებენ რადგან
პირი, რომელიც თავს დაესხა, დიდი ალბათობით მმართველი გუნდის წარმომადგენელი იყო.
„გამოვძახე საპატრულო პოლიცია, თუმცა უშედეგოდ. ამბობდნენ, რომ ნაცემის არაფერი მეტყობოდა
და პროვოკატორი ვიყავი. ბოლოს ოქმი შეადგინეს, მითხრეს რომ დამიკავშირდებოდნენ, თუმცა უკვე 1
კვირა გავიდა და არავის დაურეკავს, გამოკითხვაზე არ დავუბარებივარ. დღეს თავად მივედი
განყოფილებაში და ვიკითხე, რა ხდებოდა ჩემს საქმესთან დაკავშირებით, რაზეც მიპასუხეს, რომ
გამოძიება მიმდინარეობდა, თუმცა თავდამსხმელის იდენტიფიცირება ვერ შეძლეს. არადა თავდასხმა
სათვალთვალო კამერებმა დააფიქსირეს და ეს ჩანაწერი მათ ამოღებული აქვთ“, - ამბობს სამუკა
დარჩია.
პოლიციის განყოფილებაში „ექსპრესნიუსის“ კითხვებს არ უპასუხეს და პრესცენტრთან
გადაგვამისამართეს. პრესცენტრში კი განგვიცხადეს, რომ „გამოძიების ინტერესებიდან გამომდინარე“,

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო