ნატო არ თვლის, რომ პოლონეთზე რუსული დრონები განზრახ თავდასხმა მოხდა, განუცხადა ალიანსის წყარომ „როიტერსს“, თუმცა საწყისი ნიშნები ექვსიდან ათამდე დრონის მიერ განზრახ შეჭრაზე მიუთითებენ.

„ეს იყო პირველი შემთხვევა, როდესაც ნატოს თვითმფრინავები მოკავშირეთა საჰაერო სივრცისთვის პოტენციურ საფრთხეს წააწყდნენ“, - თქვა მან და დასძინა, რომ რეგიონში მყოფმა ნატოს „პატრიოტის“ საჰაერო თავდაცვის სისტემებმა დრონები რადარებით აღმოაჩინეს, მაგრამ ისინი არ ჩამოუგდიათ. მისი თქმით, ღამის ოპერაციაში მონაწილეობდნენ პოლონური F-16 გამანადგურებლები, ჰოლანდიური F-35-ები, იტალიური AWACS სათვალთვალო თვითმფრინავები და ნატოს მიერ ერთობლივად მართული „ჰაერი-ჰაერი“ ტიპის საწვავის შევსების თვითმფრინავები.

პოლონეთი ნატოს სთხოვს, აამოქმედოს ალიანსის წესდების მე-4 მუხლი, რომელიც მოკავშირეებთან ფორმალურ კონსულტაციებს ეხება, განაცხადა ტუსკმა. ამ საკითხზე ის ქვეყნის პრეზიდენტს, კაროლ ნავროცკის, დაეთანხმა.

მუხლის თანახმად, „მხარეები ერთობლივ კონსულტაციებს გამართავენ ყოველთვის, როდესაც რომელიმე მხარის აზრით, საფრთხე დაემუქრება რომელიმე მხარის ტერიტორიულ მთლიანობას, პოლიტიკურ დამოუკიდებლობას ან უსაფრთხოებას“. 1949 წელს ნატოს შექმნიდან მე-4 მუხლი მხოლოდ შვიდჯერ იქნა გამოყენებული, ბოლოს 2022 წელს, რუსეთის მიერ უკრაინაზე თავდასხმისთანავე, იხსენებს The Guardian.

ავტორი: ექსპრესნიუსი,

სოციალური ქსელები

კობახიძე ირწმუნება რომ ხალხს საავადმყოფოებში მასობრივად არ მიუმართავთ ამიტომ ისინი არ მოწამლულან

ოცნების პრემიერი BBC-ს საგამოძიებო ფილმის შექმნას კვლავ უცხო ქვეყნების სპეცსამსახურებს აბრალებს, მაგრამ რომეს არ აკონკრეტებს

ქლორობენზილიდინ მალონონიტრილი დიდი დოზებით კი იწვევს კანის დამწვრობას, რაც ზოგჯერ იწვევს სასუნთქი გზების დამბლას, გულის გაჩერებას და სიკვდილს

ლაშა შერგელაშვილი - როდესაც BBC-ის გამოძიებაში მონაწილეობა შემომთავაზეს გამაფრთხილეს რომ ამ ამბის გაშუქების შემდეგ აუცილებლად შეეცდებოდნენ ჩემს დისკრედიტაციას