დონალდ ტრამპის მუქარამ, რომ რუსული ნავთობის შემსყიდველი ქვეყნებისთვის 100%-იანი ტარიფები დააწესოს და 50-დღიანმა ულტიმატუმმა ცეცხლის შეწყვეტის მოთხოვნით, რუსეთის უმაღლესი ხელმძღვანელობის აზროვნება ვერ შეცვალა.

ვლადიმერ პუტინს არ ეშინია აშშ-ის მიერ სანქციების გამკაცრების პერსპექტივის და მტკიცედ აქვს გადაწყვეტილი, გააგრძელოს ომი მანამ, სანამ დასავლეთი არ დათანხმდება მის შეთანხმების პირობებს, განუცხადა „როიტერსს“ კრემლთან დაახლოებულმა სამმა წყარომ.

ისინი აცხადებენ, რომ პუტინის ტერიტორიული პრეტენზიები შესაძლოა გაფართოვდეს, რადგან რუსული ჯარები, რომლებიც უკვე აკონტროლებენ უკრაინის ტერიტორიის მეხუთედს, წინ მიიწევენ.

„როიტერს“ ერთ-ერთმა წყარომ განუცხადა, რომ ბრძოლის ველზე ახალი ესკალაცია მომდევნო თვეებშია შესაძლებელი. კიდევ ორმა წყარომ განაცხადა, რომ პუტინს შეუძლია ბრძოლა მანამ, სანამ უკრაინის თავდაცვის სისტემა არ დაინგრევა, მიუხედავად იმისა, რომ დასავლური დაზვერვის შეფასებით, დანაკარგები მილიონობით დაღუპულსა და დაჭრილს შეადგენს.

„რუსეთი უკრაინის სისუსტის გათვალისწინებით იმოქმედებს“, - განუცხადა როიტერს ერთ-ერთმა წყარომ. მისი თქმით, პუტინს შეუძლია შეტევის შეჩერება, თუ ის ოთხივე ანექსირებულ რეგიონზე სრულ კონტროლს აიღებს და უკრაინის შეიარაღებული ძალების წინააღმდეგობას წააწყდება. თუ ფრონტი დაინგრევა, „დნეპროპეტროვსკის, სუმისა და ხარკოვისთვის კიდევ უფრო დიდი ბრძოლა დაიწყება“, - თქვა წყარომ.

პუტინი კვლავ მოითხოვს იურიდიულად სავალდებულო გარანტიებს, რომ ნატო არ გაფართოვდება აღმოსავლეთისკენ, რომ მის მიერ დაკავებული ტერიტორიები აღიარებული იქნება, რომ უკრაინის შეიარაღებული ძალები შემცირდება და ქვეყნის რუსულენოვანი მოსახლეობა დაცული იქნება. „როიტერს“ წყაროების ცნობით, ის მზადაა, განიხილოს კიევის უსაფრთხოების გარანტიები მსოფლიო ძალებისგან, თუმცა ჯერ კიდევ არ არის ნათელი, თუ როგორ შეიძლება ეს გარანტიები იმუშაოს.

„პუტინი თვლის, რომ უკრაინაში მშვიდობის დამყარების პირობებზე მასთან სერიოზულად არავის უსაუბრია, მათ შორის ამერიკელებსაც. ამიტომ, ის გააგრძელებს მანამ, სანამ სასურველს არ მიიღებს“, - განაცხადა სააგენტოს წყარომ.

ამავდროულად, „როიტერის“ წყაროების ცნობით, პუტინი მიიჩნევს, რომ რუსეთს უპირატესობა აქვს არა მხოლოდ ბრძოლის ველზე, არამედ ეკონომიკურადაც, რადგან ქვეყანაში ბომბებისა და ჭურვების წარმოება უფრო მაღალია, ვიდრე ნატოს ყველა ქვეყნის ერთად აღებული წარმოების.

ავტორი: ექსპრესნიუსი,

სოციალური ქსელები

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა

უკრაინამ რუსეთის რამდენიმე ქალაქის ნავთობგადამამუშავებელი ქარხანა, რაკეტების მწარმოებელი და ოზონის საწყობები დაბომბა