თურქეთის მმართველი „სამართლიანობისა და განვითარების პარტიის“ თავმჯდომარის მოადგილე და პრესსპიკერი, ომერ ჩელიკი მკაცრად გმობს ირანზე ისრაელის თავდასხმას და აცხადებს, რომ ეს არის უკანონო თავდასხმა, რომელსაც არანაირი ლეგიტიმურობა და გამართლება არ გააჩნია, - ინფორმაციას თურქული მედია ავრცელებს.

„უმკაცრესად ვგმობთ ამ უკანონო თავდასხმას. ისრაელის თავდასხმას არ შეიძლება ჰქონდეს რაიმე ლეგიტიმურობა ან გამართლება. ეს ბარბაროსული აგრესიაა“, - განაცხადა ჩელიკმა.

მისი თქმით, მსოფლიომ ყურადღება უნდა მიაქციოს პრეზიდენტ რეჯეფ თაიფ ერდოღანის გაფრთხილებებს ისრაელის პრემიერ-მინისტრ ბენიამინ ნეთანიაჰუს მთავრობის ქმედებების შედეგების შესახებ.

„მთელმა მსოფლიომ ყურადღება უნდა მიაქციოს ჩვენი პრეზიდენტის გაფრთხილებებს ნეთანიაჰუს მთავრობის გენოციდური ქმედებების შედეგების შესახებ“, - აღნიშნა თურქეთის მმართველი პარტიის პრესსპიკერმა.

მისი თქმით, ისრაელის მიერ თავდასხმის იმ დროს განხორციელებამ, როდესაც აშშ-სა და ირანს შორის ბირთვულ შეთანხმებაზე მოლაპარაკებები მიმდინარეობს კიდევ ერთხელ აჩვენა, რომ ისრაელი მტრულად არის განწყობილი ყველა დიპლომატიური ძალისხმევის მიმართ.

ომერ ჩელიკის თქმით, ისრაელის აგრესია მთელი მსოფლიოსთვის საფრთხეს წარმოადგენს და საერთაშორისო საზოგადოებამ რეაგირება უნდა მოახდინოს.

„ისრაელის აგრესია მთელი მსოფლიოსთვის საფრთხეს წარმოადგენს. მთელმა მსოფლიომ მის წინააღმდეგ საერთო კონკრეტული ზომები უნდა მიიღოს“, - განაცხადა თურქეთის მმართველი პარტიის პრესსპიკერმა.

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს