12:44 - 12 Mar, 2026
ჩვენ შესახებ რეკლამა/ხელმოწერა
2025-05-28 10:52:57, 5582 ნახვა

კომენტარი
მარნეულისა და ჰუჯაბის ეპისკოპოსი ამაღლობელის პატიმრობაზე შეუსაბამოდ მიმაჩნია მსგავსი სიმძიმის სასჯელი

მარნეულისა და ჰუჯაბის ეპისკოპოსი მზია ამაღლობელის უკანონო პატიმრობას საგანგებო განცხადებით ეხმაურება. მღვდელმთავარი სოციალურ ქსელში გავრცელებულ განცხადებაში წერს, რომ  მიუხედავად განსხვავებული პოლიტიკური შეხედულებებისა, შეუსაბამოდ მიაჩნია ჟურნალისტი ქალის მიმართ სილის გაწვნის გამო მსგავსი სიმძიმის სასჯელი.

“შეუძლებელია არ გამოვეხმაურო მზია ამაღლობელის მიმდინარე სასამართლო პროცესს. ვუყურებდი და ვფიქრობდი, ნუთუ ყოველი ჩვენგანი დედის ნაშობნი არა ვართ?! ქალის კულტი ხომ ჩვენ ერში ოდითგანვე განსაკუთრებული როლით და პატივისცემით სარგებლობდა. დაზარალებულმა სასამართლოზე განაცხადა, რომ კანონი უნდა აღსრულდეს და ამ კანონით ქალს სილის გაწვნისთვის 4 – დან 7 წლამდე პატიმრობისთვის იმეტებს.

მე მესმის, რომ სახელმწიფო ინსტიტუციებზე ხელის აღმართვა ყოვლად დაუშვებელია და მას ყოველთვის უნდა მოჰყვეს შესაბამისი რეაგირება,თუმცა შეუსაბამოდ მიმაჩნია მსგავსი სიმძიმის სასჯელი, მიუხედავად იმისა, რომ მე როგორც მღვდელმთავარი და ამავდროულად რიგითი მოქალაქე, ამ ქალბატონის პოლიტიკურ შეხედულებებს არ ვიზიარებ.
ჩემო ქრისტესმიერო ძმაო და შვილო, განა შენ არ გაგზარდა ქართველმა დედამ, გყავს და ან მეუღლე, განა უცხოა შენთვის მორალური კანონები – შენდობა და პატიება, რომელიც ხშირად აღემატება დაწერილ კანონებს.

“რომლითა განკითხვითა განიკითხვიდეთ, განიკითხნეთ, და რომლითა საწყაულითა მიუწყოთ, მოგეწყოს თქუენ” .

მიუტევეთ და მოგეტევებათ”,- აცხადებს მარნეულისა და ჰუჯაბის ეპისკოპოსი.

ცნობისთვის, 11 იანვარს დაწყებულ აქციაზე მზია ამაღლობელი ორჯერ დააკავეს. თავდაპირველად, 11 იანვრის ღამეს, კედელზე პლაკატის გაკვრის გამო. მოგვიანებით ის გაათავისუფლეს. გათავისუფლებიდან მალევე "ბათუმელები/ნეტგაზეთის" დამფუძნებელი აჭარის პოლიციის მთავარ სამმართველოსთან, მეორედ დააკავეს. 

"ბათუმელები/ნეტგაზეთის" დამფუძნებელს პოლიციელზე თავდასხმას ედავებიან. მას 4-დან 7 წლამდე პატიმრობა ემუქრება.





ავტორი: ექსპრესნიუსი,


სოციალური ქსელები
შალვა პაპუაშვილი ევროპარლამენტს კვლავ საბჭოთა კავშირს ადარებს
ესმაილ ბაგაი: მოჯთაბა ხემენეი დაშავებულია, თუმცა მისი ჯანმრთელობის მდგომარეობა დამაკმაყოფილებელია
რა წერია საქართველოზე რეზოლუციაში, რომელსაც დღეს ევროპარლამენტში კენჭს უყრიან
სოფელ კურსებში მეწყრული პროცესების შედეგად ხუთი სახლი დაინგრა, მოხდა 38 ოჯახის ევაკუირება
რედაქტორის რჩევით

ომი უკრაინაში

ვიდეო/LIVE

საქართველოს დამოუკიდებლობის დღე












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics