ავსტრიის საგარეო საქმეთა სამინისტროს ახალი ხელმძღვანელი, ბეატე მაინლ-რაისინგერი აცხადებს, რომ მისი ქვეყანა გააგრძელებს სამართლიანი და მდგრადი მშვიდობისკენ სწრაფვას უკრაინის და მთელი ევროპის ინტერესებიდან გამომდინარე, - ინფორმაციას უკრაინული მედია ავრცელებს.

მათივე ინფორმაციით, უკრაინელ კოლეგასთან, ანდრეი სიბიგასთან კიევში გამართული შეხვედრის შემდეგ ავსტრიის საგარეო უწყების ხელმძღვანელმა განაცხადა, რომ უკრაინის მიმართ ავსტრიის პოლიტიკური, ეკონომიკური და ჰუმანიტარული მხარდაჭერა გაგრძელდება.

მეინლ-რეისინგერის თქმით, უკრაინის ბრძოლა ასევე არის ბრძოლა ყველა ევროპელის უსაფრთხოებისთვის და ევროპა მნიშვნელოვან როლს ასრულებს ნებისმიერ სამშვიდობო შეთანხმებაში.

„მშვიდობა უფრო მეტია, ვიდრე იარაღის მოკლევადიანი დადუმება. სუვერენიტეტის, დამოუკიდებლობისა და ტერიტორიული მთლიანობის გარეშე შეუძლებელია მშვიდობა გრძელვადიან პერსპექტივაში. მშვიდობა ნიშნავს მეზობელი სახელმწიფოების საერთაშორისოდ აღიარებული საზღვრების პატივისცემას“, - აღნიშნა ავსტრიის საგარეო უწყების ხელმძღვანელმა.

ცნობისთვის, ავსტრიის საგარეო საქმეთა ახალი მინისტრი უკრაინაში დღეს ჩავიდა.

ავტორი: ექსპრესნიუსი,

სოციალური ქსელები

თეონა აქუბარდია - ამერიკასთან ივანიშვილის რეჟიმის დამსახურებით მოხდა სტრატეგიული პარტნიორობის დასრულება

უკრაინის გენშტაბი - კურსკის ოლქში უკრაინული ქვედანაყოფების „ალყაში მოქცევის“ შესახებ ცნობები რეალობას არ შეესაბამება

დონალდ ტრამპი - ძალიან ვთხოვე პრეზიდენტ პუტინს, რომ უკრაინელი სამხედროები დაინდოს

სალომე ზურაბიშვილი სამოქალაქო საზოგადოების წარმომადგენლებს შეხვდა