სახელმწიფო ნარკოტიკების გამყიდველების მიმართ დაუნდობელი იქნება! - ის ადამიანები, რომლებიც ამ გამკაცრებას ეწინააღმდეგებიან, ფაქტობრივად, ჩვენი მომავალი თაობის უკეთესი მომავლის წინააღმდეგი არიან! - ამის შესახებ პარლამენტის საპროცედურო და წესების კომიტეტის თავმჯდომარემ, დავით მათიკაშვილმა ჟურნალისტებთან განაცხადა.

მისიე თქმით, კანონმდებლობის გამკაცრების გარეშე, „ამ მავნე სენთან ბრძოლა ძალიან რთულია“.

„ნარკოტიკები, ნარკომანია არის გამოწვევა, რომლის მიმართაც სახელმწიფო უნდა იყოს ადეკვატური. ყველა იმ ცვლილებას, რაც არის დაინიცირებული და რასაც ვიხილავთ საქართველოს პარლამენტში, ნარკოპოლიტიკასთან მიმართებაში გააჩნია ერთადერთი მიზანი - ჩვენი საზოგადოების, ჩვენი მომავალი თაობის დაცვა იმ მავნე და მომაკვდინებელი ზეგავლენისგან, რასაც იწვევს, ზოგადად, ნარკომანია. ყველა ის შეზღუდვა, თუ გამკაცრება, რაც არის ახალი ინიციატივებით გათვალისწინებული, ემსახურება სწორედ ამ მიზანს. როგორც მოგეხსნებათ, სახელმწიფო ყველა გამოწვევის მიმართ უნდა იყოს რელევანტური იმის შესაბამისად, კონკრეტულ ვითარებაში, დროის კონკრეტულ მონაკვეთში, რა პრობლემის წინაშე დგას საზოგადოება. შესაბამისად, ის ადამიანები, რომლებიც გამკაცრებას ეწინააღმდეგებიან, ფაქტობრივად, ჩვენი მომავალი თაობის უკეთესი მომავლის წინააღმდეგი არიან,“ - განაცხადა მათიკაშვილმა.

ავტორი: ექსპრესნიუსი,

სოციალური ქსელები

ანდრეი სიბიგა - უკრაინამ შესაძლო ზავის მონიტორინგისთვის სადამკვირვებლო ჯგუფის შექმნა დაიწყო

ბაჩო ქაჯაიას საქმის განხილვის ვადა შსს-მ სამ თვემდე გაზარდა

აშშ-ს საელჩო - ელჩმა მაკა ბოჭორიშვილს გააცნო პრეზიდენტ ტრამპის მთავარი პრიორიტეტები, ასევე, ის ნაბიჯები, რომელიც საქართველოს შეუძლია გადადგას

სალომე ზურაბიშვილი ოპოზიციურ კოალიციებს ინდივიდუალურად ხვდება