2025-03-14 14:19:46, 507 ნახვა

---

ნიკოლ ფაშინიანი - ბაქო, „დასავლეთ აზერბაიჯანს“ უწოდებს სომხეთის სუვერენული ტერიტორიას, ჩვენთვის ეს საკითხი განხილვას არ ექვემდებარება

ბაქო, „დასავლეთ აზერბაიჯანს“ უწოდებს სომხეთის სუვერენული ტერიტორიის 60-70 პროცენტს, ჩვენთვის ეს საკითხი განხილვას არ ექვემდებარება, – ამის შესახებ სომხეთის პრემიერ-მინისტრმა, ნიკოლ ფაშინიანმა თურქული მედიის წარმომადგენლებთან შეხვედრის დროს განაცხადა.

ნიკოლ ფაშინიანის თქმით, სომხეთის ტერიტორიაზე „დასავლეთ აზერბაიჯანი“ არ არსებობს და თუ ვინმეს სურვილი აქვს იპოვოს დასავლეთ აზერბაიჯანი, ეს არის: ყაზახის, აღსტაფის, კელბაჯარის, ლაჩინის, ზანგილანის და გუბადლის რაიონები.

სომხეთის პრემიერ-მინისტრის განცხადებით, აზერბაიჯანი ამ საკითხს ტერიტორიული პრეტენზიებისთვის იყენებს.

ნიკოლ ფაშინიანის თქმით, დისკურსი სახელწოდებით „ზანგეზურის დერეფანი“ სომხეთისთვის მიუღებელია იმავე მიზეზით, რადგან ის ასევე შეიცავს ტერიტორიულ პრეტენზიებს სომხეთის რესპუბლიკის წინააღმდეგ.

„თუ ვსაუბრობთ ტრანსპორტსა და ეკონომიკურ კომუნიკაციებზე, მაშინ ჩვენ ღია ვართ და ვამბობთ, რომ დიახ, ჩვენ მზად ვართ, როგორც უკვე ვთქვი, განვბლოკოთ რეგიონული, სატრანსპორტო და ეკონომიკური კომუნიკაციები ქვეყნების სუვერენიტეტის, ტერიტორიული მთლიანობის, იურისდიქციისა და ორმხრივობის პირობებში. და იმის გაცნობიერებით, რომ არის სირთულეები, ჩვენ ვამბობთ, რომ მზად ვართ გარკვეული გამარტივებისთვის, რათა ეს რეალობად იქცეს და გავაკეთეთ კონკრეტული წინადადება სარკინიგზო მომსახურების აღდგენის შესახებ, ველოდებით პასუხს აზერბაიჯანისგან. დღეს მე ვამბობ, რომ ჩვენ მივიღეთ წინადადება, რომელიც წყვეტს სარკინიგზო ტვირთების გადაზიდვას დასავლეთ აზერბაიჯანიდან ნახიჩევანში სომხეთის ტერიტორიით“, – განაცხადა ნიკოლ ფაშინიანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი