რუსეთის, ჩინეთისა და ირანის საგარეო საქმეთა მინისტრების მოადგილეებმა პეკინში შეხვედრა გამართეს, რომელზეც სანქციების მოხსნის აუცილებლობაზე ისაუბრეს, - მედიის ინფორმაციით, ამის შესახებ ჩინეთის საგარეო საქმეთა მინისტრის მოადგილემ, მა ჟაოსუმ განაცხადა.

„სამმა ქვეყანამ ხაზი გაუსვა ყველა უკანონო ცალმხრივი სანქციების გაუქმების აუცილებლობას”, - აღნიშნა ჩინეთის საგარეო საქმეთა მინისტრის მოადგილემ.

მისივე თქმით, შეხვედრაზე მხარეებმა რეგიონული და საერთაშორისო საკითხებიც განიხილეს და საერთაშორისო ორგანიზაციებში კოორდინაციის გაძლიერებაზე შეთანხმდნენ.

„სამივე მხარემ გაცვალა მოსაზრებები საერთო ინტერესის რეგიონულ და საერთაშორისო საკითხებზე“, - აღნიშნა მა ჟაოსუმ.

ამასთან, მისი თქმით, ჩინეთი და რუსეთი მიესალმებიან ირანის მხრიდან დადასტურებას, რომ ის იყენებს ბირთვულ ტექნოლოგიას მშვიდობიანი მიზნებისთვის და არ ცდილობს ბირთვული იარაღის შექმნას.

„ჩინეთი და რუსეთი მიესალმებიან ირანის დადასტურებას, რომ ქვეყანა ავითარებს ბირთვულ პროგრამას მშვიდობიანი მიზნებისთვის და არა ბირთვული იარაღის შესაქმნელად“, - აღნიშნა მა ჟაოსუმ.

პეკინში გამართულ შეხვედრას რუსეთის საგარეო საქმეთა მინისტრის მოადგილე, სერგეი რიაბკოვი, ჩინეთის საგარეო საქმეთა მინისტრის მოადგილე, მა ჟაოსუ და ირანის საგარეო საქმეთა მინისტრის მოადგილე, კაზემ ღარიბ-აბადი ესწრებოდნენ.

ავტორი: ექსპრესნიუსი,

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?