უკრაინის პრეზიდენტის, ვოლოდიმირ ზელენსკიმ მიუნხენის კონფე3რენციაზე თავდაცვის საკითხზე გაამახვილა ტურადღება. როგორც თავად უკრაინის პრეზიდენტმა აღნიშნა, იქამდე სანამ უკრაინა NATO-ს წევრი არ გახდება, მას 1.5 მილიონი ჯარისკაცისგან შემდგარი არმია სჭირდება, რათა რუსეთს წინააღმდეგობა გაუწიოს და თავი დაიცვას.მან ასევე ევროპისა და უკრაინის ერთობლივი უსაფრთხოების განვითარებაზე ისაუბრა. მისი განცხადებით, თუ უკრაინა NATO-ში არ იქნება, საჭირო იქნება, უკრაინამ უსაფრთხოების სისტემა ევროპასთან ერთად განავითაროს და მნიშვნელოვანია, რომ ევროპელმა ლიდერებმა ეს გააცნობიერონ.

„თუ ჩვენ არ ვართ NATO-ში, ან სანამ არ ვართ NATO-ში, სწორედ ასეთი არმია უნდა გვყავდეს, რომელსაც დაცვა შეუძლია. ეს ნიშნავს შესაბამის იარაღს, NATO-სას, და სამხედროების შესაბამის რაოდენობას, ჩვენსას, უკრაინელებისას. თუმცა, რა არის ეს რაოდენობა? მე თქვენ უბრალოდ გეუბნებით რიცხვებს, რომლებიც ყველა სამხედროსთან ერთად გვესმის. ეს იქნება 1.5-მილიონიანი არმია. მაგალითად, საომარი ბრიგადები ჩვენ ორჯერ ნაკლები გვყავს (რედ. - რუსეთზე). დღეს მათ 220 საომარი ბრიგადა ჰყავთ, ჩვენ კი 110. ესე იგი, ჩვენ 220 გვჭირდება". - თქვა ზელენსკიმ.

14-16 თებერვალს მიუნხენში უსაფრთხოების კონფერენცია ტარდება. ცნობილი იყო, რომ ზელენსკი აშშ-ს ვიცეპრეზიდენტს, ჯეი დი ვენსს უნდა შეხვედროდა. თუმცა Kyiv Independent საკუთარ წყაროზე დაყრდნობით წერს, რომ შეხვედრა გადაიდო, რათა აშშ-მკიევის მიერ შეთავაზებული პარტნიორობის დოკუმენტი განიხილოს.

დღეს, 14 თებერვალს აშშ-ს პრეზიდენტის, დონალდ ტრამპის განცხადებთ, მიუნხენში აშშ-ს, რუსეთისა და უკრაინის წარმომადგენლების შეხვედრა გაიმართება, რომელზეც მხარეები სამშვიდობო შეთანხმებაზე ილაპარაკებენ.

„რუსეთი იქ იქნება ჩვენს ხალხთან ერთად. უკრაინაც დაპატიჟებულია.“ – განაცხადა აშშ-ს პრეზიდენტმა.

მიუხედავად ტრამპის განცხადებისა, ზელენსკის მრჩევლის, დმიტრი ლიტვინის თქმით,  უკრაინა მიუნხენის უსაფრთხოების კონფერენციაზე რუსეთთან სამშვიდობო მოლაპარაკებების საკითხზე შეხვედრას არ აპირებს.

ავტორი: ექსპრესნიუსი,

სოციალური ქსელები

ალიევის რეჟიმის მუქარა საქართველოს- არაა რეკომენდებული, რომ საპატრიარქო სომხეთის ეკლესიის გზას გაყვეს

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში