„ერთიანი ნაციონალური მოძრაობის“ პოლიტსაბჭოს თავმჯდომარე, ლევან ხაბეიშვილი, სოციალურ ქსელში სტატუსი გამოაქვეყნა, სადაც თბილისის მერს, კახა კალაძეს, კორუფციულ გარიგებაში მონაწილეობასთან დაკავშირებით საუბრობს.

მისი თქმით, ფხაკაძეებმა კალაძეს შესთავაზეს 2.6 მილიონი ლარის გადახდა, რის სანაცვლოდაც კალაძე სამშენებლო ნებართვებს მისცემდა, რაც 15-17 მილიონი ლარის ღირებულების იყო. ხაბეიშვილის განცხადებით, საკრებულოს სხდომაზე, ერთი საკითხის კოეფიციენტის მომატებით, 12-15 მილიონი ლარი გაუჩინარდა.

“ფხაკაძეებმა კალაძეს შესთავაზეს, რომ ბიუჯეტში გადაიხდიდა 2.6 მილიონამდე ლარს და სამაგიეროდ მიიღო 15-17  მილიონი ლარის სამშენებლო ნებართვა. ერთი საკრებულოს სხდომა, ერთი საკითხი, ერთი კოეფიციენტის მომატება და ააორთქლეს 12-15 მილიონი ლარი. ამიტომაც არიან ჩუმად და უჭერენ მხარს დე ფაქტო ხელისუფლებას.” - წერს ხაბეიშვილი. 

მან ასევე განაცხადა, რომ „ერთიანი ნაციონალური მოძრაობის“ ფრაქცია შეიმუშავებს სარჩელს და აუცილებლად გაასაჩივრებს აღნიშნულ გადაწყვეტილებას. ხაბეიშვილი ამ ფაქტს კორუფციისა და პოლიტიკური ინტერესების გათვალისწინებით ახასიათებს, მიუთითებს რუსეთის პოლიტიკისადმი მხარდაჭერასა და ივანიშვილის რეჟიმის მხარდაჭერაზე. „ერთიანი ნაციონალური მოძრაობა“, ახალგაზრდების რუსთაველზე წამების ფაქტის შემდეგ, ამ საკითხის სასამართლოში განხილვასა და სარჩელის მომზადებას გეგმავს.

ავტორი: ექსპრესნიუსი,

სოციალური ქსელები

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო

რუსეთმა კიევში კიდევ ერთ ხიდს, დნეპრის მაღალსართულიან შენობასა და ბიზნეს ცენტრს შეუტია, 4 ადამიანი დაშავდა

მედიასაშუალებებმა გაამჟღავნეს flydubai-ს პილოტის ვინაობა, რომელმაც ბორტზე ტერორისტული თავდასხმის განხორციელება სცადა

ტრამპმა ამერიკელებს ალაბამაში ახალი ხიდისთვის მისი სახელის დარქმევა შესთავაზა