განსაკუთრებულ დავალებათა დეპარტამენტის ყოფილი უფროსი, ირაკლი შაიშმელაშვილი ივანიშვილის ხელისუფლების წარმომადგენლების მხრიდან აქციების ძალადობრივი დარბევის "ცალკეულ გადაცდომებთან" დაკავშირებას აფასებს. მისი თქმით, ბრძანების გარეშე პოლიციელი "ადგილიდან არ გაინძრევა". 

"ბრძანების გარეშე პოლიციელი არ გაინძრევა ადგილიდან, წერტილი. თუ არ აქვს კონკრეტული მითითება რაიმე ამოცანა შეასრულოს. თუ არ აქვს მას მითითება განახორციელოს დევნა, ის არ გაეკიდება. იქ შეიძლება იყოს გარკვეული გადაცდომა, ცალკეულმა პოლიციელმა გადაამეტოს ძალას, მაგრამ ჯგუფურად, მასობრივად, მუდმივად? ერთი დღე იყო, კეთილი, განიხილეს? რამე შეიცვალა მეორე, მესამე დღეს? 

ამ სიმძიმის ტვირთის იმ ბიჭებზე გადატანა, სისტემას აკნინებს, რომ გყავს თანამშრომლები, რომლებიც არ გემორჩილებიან.

ყველაფერი ჩაბარებული მქონდა და მშვიდად ვაპირებდი წამოსვლას, მაგრამ არ მომეცა ამის შესაძლებლობა, არ მომცეს ამის საშუალება, ის პოსტიც ერთგვარი უსაფრთხოების გადაზღვევა იყო იმიტომ, რომ ჩავთვალე საჭიროდ, რომ მე ორი მცირეწლოვანი შვილი მყავს, მეუღლე და ორი შვილი მყავს და, მით უფრო, ვიცი, რაზე შეიძლება წასულიყვნენ ესენი და რა შეიძლება ეკადრათ, ეს იყო ერთგვარი გადაზღვევა და არა გამოწვევა ვინმესი.

სამწუხარო ის არის, რომ ამ წლების განმავლობაში შინაგან საქმეთა სამინისტროში მე შეხება მქონდა თითქმის ყველა დეპარტამენტის ხელმძღვანელთან, მით უფრო, სამინისტროს შიდა ადმინისტრაციულ დეპარტამენტებთან - არავინ არ დაინტერესებულა, არავის არ დაურეკავს, თუ რატომ გავაკეთე ეს, რატომ გადავდგი ეს ნაბიჯი, ერთადერთი სახელმწიფო უსაფრთხოების სამსახურიდან მაღალი თანამდებობის პირმა დამირეკა, მხოლოდ მეგობრულად. ადამიანური ფაქტორი არის, როცა ვიღაცა შენით ინტერესდება, ანუ 4 წელიწადი ვიყავი მაგათთვის მისაღები, 4 წელი ვიყავი კარგი თანამშრომელი, ყველაფერს კარგად ვასრულებდი და ერთ დღეში გავხდი მოღალატე [...] ნუ წარმოუდგენელი არის..." - ამბობს განსაკუთრებულ დავალებათა დეპარტამენტის ოპერატიული დაგეგმვის ყოფილი უფროსი ირაკლი შაიშმელაშვილი ნოდარ მელაძესთან ინტერვიუში

ავტორი: ექსპრესნიუსი,

სოციალური ქსელები

ალიევი თვითმფრინავის ჩამოვარდნაზე - რუსეთიდან აბსურდული თეორიების გარდა არაფერი გვსმენია

გერმანიის ბუნდესტაგის წევრი - სიტუაცია დღითიდღე უარესდება - „ვაიმარის სამკუთხედის“ საგარეო საქმეთა მინისტრები ახლა თბილისში უნდა წავიდნენ

მიხაილ როთი - არავინ არ უნდა აღიაროს საქართველოს ე.წ. ახალი „პრეზიდენტი“

ლიეტუვის პრეზიდენტი - "ოცნების პარტიას" სერიოზულად ვერავინ აღიქვამს