დამარცხებული ადამიანების სასოწარკვეთილება,- ასე აფასებს დედაქალაქის მერი კახა კალაძე პრეზიდენტ სალომე ზურაბიშვილის განცხადებას არჩევნების მომზადების მიზნით საბჭოს ჩამოყალიბებაზე და ამასთან დაკავშირებით გამართულ ოპოზიციის კონსულტაციებს. 

როგორც კალაძემ აღნიშნა, ოპოზიცია განწირულია მარცხისთვის. 

"ჩვეულებრივი სისულელეა. არავითარი აზრი არ აქვს. ეს არის დამარცხებული ადამიანების სასოწარკვეთილება, რასაც ვხედავთ დღევაfნდელი მოცემულობით. ძალიან კარგად იციან, რომ არჩევნები ჩატარდა თავისუფალ გარემოში, ის იყო მრავალპარტიული. ძალიან კარგად იციან, რომ მათ თავისუფლად ჰქონდათ შესაძლებლობა, ეწარმოებინათ კამპანია, თუმცა არ აწარმოეს, რატომ არ ვიცი და გაუგებარია ეს ყველაფერი.

ყველაზე მთავარი - ხალხს ჰქონდა შესაძლებლობა, რადგან იყო მრავალპარტიული არჩევნები, თავისუფალ გარემოში მისულიყვნენ და გაეკეთებინათ საკუთარი არჩევანი. ეს დასკვნის სახით დადო ეუთო/ოდირმა. ვნახეთ მისივე შუალედური დასკვნა, საბოლოო დასკვნა, სადაც ყველაფერი ნათქვამია.

ის, რასაც ვისმენთ ახლა სალომე ზურაბიშვილის მხრიდან, თქვენ იცით, რომ მას ერთი პარასკევიც არ აქვს დარჩენილი და უნდა, რომ კიდევ უფრო დაამძიმოს, გააფუჭოს სიტუაცია, როგორც ქვეყნის შიგნით, ასევე ქვეყნის გარეთ. ეს ადამიანები განწირულები არიან მარცხისთვის, რა საბჭოებზეა ლაპარაკი?! „მთავრობანას“ თამაშობენ ერთმანეთში",- განაცხადა კახა კალაძემ. 

ავტორი: ექსპრესნიუსი,

სოციალური ქსელები

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს