2024-11-29 03:15:31, 390 ნახვა
პოლიტიკა
რუსთაველის გამზირზე სპეცრაზმმა მომიტინგეების დაშლა დაიწყო
თბილისში, რუსთაველის გამზირზე სპეცრაზმმა აქციის დაშლა დაიწყო.
პროტესტის მონაწილეების წინააღმდეგ იყენებენ წყლის ჭავლსა და ცრემლსადენ გაზს.
არიან დაშავებულებიც, რომლებსაც პირველად დახმარებას ადგილზე მობილიზებული სასწრაფო-სამედიცინო დახმარების ბრიგადები უწევენ.
დაშავებულთა შორის არიან მედიის წარმომადგენლებიც.
მანამდე, აქციის მონაწილეებსა და სამართალდამცველებს შორის რამდენჯერმე დაპირისპირება მოხდა.
შეგახსენებთ, საპროტესტო აქციის მონაწილეები აპროტესტებენ „ქართული ოცნების“ გადაწყვეტილებას, რომლის მიხედვითაც, ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.
ავტორი: ექსპრესნიუსი,
epn.ge (@expressnews.ge)
