ჩემთვის ეს ყველაფერი ასოციას იწვევს კალიგულასთან და მის ცხენთან სენატში შეპარვის პროცესში,- ასე ეხმაურება “გახარია საქართველოსთვის“ ერთ-ერთი ლიდერი თეონა აქუბარდია “ქართული ოცნების“ საპატიო თავმჯდომარე ბიძინა ივანიშვილის მიერ მიხეილ ყაველაშვილის საპრეზიდენტო კანდიდატად დასახელებას.

აქუბარდიას განცხადებით, ბიძინა ივანიშვილი “უხეირო დიქტატურის სტატუსს ამართლებს“.

“ჩემთვის ეს ყველაფერი ასოციას იწვევს კალიგულასთან და მის ცხენთან სენატში შეპარვის პროცესში. აბსოლუტურად მნიშვნელობა არ აქვს, თუ რა პოზიციას მისცემს ივანიშვილი მის მორჩილ ცხენს. ეს არის კიდევ ერთი ჩვენება იმისა, თუ რამდენად უხეირო დიქტატურის სტატუსს ამართლებს ივანიშვილი და კიდევ ერთელ ჩვენება იმისა, რომ კიდევ ერთხელ თვითოზოლაციის გზით, თვითგანადგურების პროცესში მიდის ივანიშვილი იმ პარალელებით, რომელიც კალიგულასთან და მის ცხენთან დაკავშირებით არსებობს“,- განაცხადა აქუბარდიამ.

შეგახსენებთ, დღეს, მმართველი პარტიის უმრავლესობისა და პოლიტიკური საბჭოს სხდომის დასრულების შემდეგ „ქართული ოცნების“ საპატიო თავმჯდომარე ბიძინა ივანიშვილმა საპრეზიდენტო კანდიდატად მიხეილ ყაველაშვილი დაასახელა.

საქართველოს პრეზიდენტის არჩევნები მიმდინარე წლის 14 დეკემბერს, ხოლო ინაუგურაცია 29 დეკემბერს გაიმართება. 

პრეზიდენტს 5 წლის ვადით 300 წევრისგან შემდგარი კოლეგია აირჩევს, რომელშიც პარლამენტის 150 წევრი, აჭარის უმაღლესი საბჭოს სრული შემადგენლობა - 21 წევრი, აფხაზეთის უმაღლესი საბჭოს - 20 წევრი და საკრებულოების 109 წევრი შედის.

საქართველოს მოქმედ პრეზიდენტ სალომე ზურაბიშვილს კი, რომელიც 2018 წლის 28 ნოემბერს აირჩიეს, უფლებამოსილება 16 დეკემბერს ეწურება.

ავტორი: ექსპრესნიუსი,

სოციალური ქსელები

სააკაშვილი ყაველაშვილის კანდიდატურაზე - საქართველო სახელმწიფოებრიობის განადგურების დასკვნით სტადიაში შევიდა

მიხელსონი ყაველაშვილის კანდიდატურაზე - საქართველოში ანტიდასავლური დიქტატურა სახელმწიფოებრივი დაპყრობის დასრულების ზღვარზეა

სარჯველაძე - რესპუბლიკურ საავადმყოფო იქნება თანამედროვე სტანდარტების შესაბამისი, საუკეთესო ტრადიციებზე დაფუძნებული, თანამედროვე კლინიკა

სარჯველაძე - ჰოსპიტალური მომსახურების ეფექტიანობის გასაუმჯობესებლად, დიაგნოზთან შეჭიდული ჯგუფების დაფინანსების სისტემა დაიხვეწება