როდესაც კონსტიტუციური გადატრიალება ხდება, მაშინ ქუჩაში ბრძოლა ვალდებულებაა,- ამის შესახებ "კოალიცია ცვლილებისთვის" ერთ-ერთმა ლიდერმა, ელენე ხოშტარიამ "ექსპრესნიუსთან" საუბრისას განაცხადა.

როგორც ხოშტარიამ აღნიშნა, აპირებენ ბრძოლის გაგრძელებას, სანამ არ დაიბრუნებენ ევროპულ მომავალს.

"ხელისუფლებისთვის ძალიან მოულოდნელი აღმოჩნდა აქციის ის ფორმა, რომელიც  ჩვენ შევარჩიეთ და დავაანონსეთ. ჩვენი განაცხადია, რომ ჩვენ ვიბრძოლებთ ბოლომდე და ვიბრძოლებთ ქუჩაში იმიტომ, რომ როდესაც კონსტიტუციური გადატრიალება ხდება, მაშინ  ქუჩაში ბრძოლა ვალდებულებაა.

ის ტაქტიკა მათთვის სიურპრიზი იყო, რომ ორი დღის განმავლობაში დაიბნენ, მერე გადმოვიდნენ ძალადობაზე, რაც ძალიან თვალსაჩინოს ხდის სისტემის სახეს, მათ შორის, ჩვენი პარტნიორებისთვის. ჩვენ ვაპირებთ ბრძოლის გაგრძელებას, ჩვეულებრივად ბოლომდე, სანამ არ დავიბრუნებთ ჩვენ ევროპულ მომავალს",- განაცხადა ელენე ხოშტარიამ.

შეგახსენებთ, დღეს, 19 ნოემბერს თბილისში, ჭავჭავაძის გამზირზე, სადაც რამდენიმე საათი უწყვეტი პროტესტი მიმდინარეობდა, სპეციალური დანიშნულების რაზმის წარმომადგენლებმა აქცია დაშალეს.

პოლიციამ თბილისის სახელმწიფო უნივერსიტეტის პირველი კორპუსის მიმდებარე ტერიტორია ასევე გაათავისუფლა აქციის მონაწილეების კარვებისგან, ადგილზე განთავსებული მანქანები კი, ევაკუატორის საშუალებით გაიყვანეს.

აღნიშნულის შემდეგ, მელიქიშვილის გამზირზე პოლიციასა და აქციის მონაწილეებს შორის ფიზიკური დაპირისპირებაც მოხდა. სამართალდამცველებმა რამდენიმე პირი დააკავეს.

აღსანიშნავია, რომ ჭავჭავაძის გამზირზე კარვების გაშლა 17 ნოემბერს დაიწყეს. თბილისის სახელმწიფო უნივერსიტეტის პირველი კორპუსის მიმდებარედ პროტესტის აღნიშნული ფორმა 18 ნოემბრის 20:00 საათამდე უნდა გაგრძელებულიყო, თუმცა გუშინ მიიღეს გადაწყვეტილება, რომ აქციის მონაწილეები, რომლებიც 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს ითხოვენ, პროტესტს თსუ-ს მიმდებარედ გააგრძელებდნენ.

ავტორი: ექსპრესნიუსი,

სოციალური ქსელები

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს