მე თანავუგრძნობ ყველა იმ ადამიანს, რომელსაც დღეს ძალით ჩამოიყვანენ თბილისში,- ამის შესახებ პარტია „საქართველოსთვის" ლიდერმა, გიორგი გახარიამ „ქართული ოცნების“ მიერ თბილისში დღეს დაგეგმილ ღონისძიებასთან დაკავშირებით განაცხადა.

გახარიამ ცოტა ხნის წინ გამართულ ბრიფინგზე საჯარო მოხელეებს მოუწოდა, რომ 26 ოქტომბრის საპარლამენტო არჩევნებზე არჩევანი მმართველი პარტიის სასარგებლოდ არ გააკეთონ.

„ივანიშვილი დღეს ათობით ათას საჯარო მოხელეს ჩამოიყვანს სხვადასხვა რეგიონებიდან თბილისში, პარტიული აქციის ჩასატარებლად, ზუსტად ისე, როგორც იქცეოდა „ნაციონალური მოძრაობა“ და პერსონალურად სააკაშვილი, რომელიც საჯარო მოხელეებს დაატარებდა ერთი ქალაქიდან მეორე ქალაქში და იყენებდა პარტიული ინტერესებისთვის... 

მე თანავუგრძნობ ყველა იმ ადამიანს, რომელსაც დღეს ძალით ჩამოიყვანენ თბილისში და მინდა, ვუთხრა მათ - არანაირი მნიშვნელობა არ აქვს იმას, სად მოუწევთ დღეს მათ დგომა, ყველაზე მნიშვნელოვანია, როგორ არჩევანს გააკეთებენ ისინი 26 ოქტომბერს. 

მინდა, მივმართო საჯარო მოხელეებს - მე ძალიან კარგად ვიცი, რომ თქვენ ნაწყენებიც ხართ და გაბრაზებულებიც ხართ იმიტომ, რომ ყველა ხელისუფლებამ თქვენ გამოგიყენათ არა სახელმწიფოს, არამედ პარტიული ინტერესებისთვის. მაგრამ თქვენ ძალიან კარგად იცით, რომ ჩვენ არ გვჭირდება ახსნა, როგორი მნიშვნელობა აქვს საჯარო მოხელეს სახელმწიფოსთვის... მე მინდა, გთხოვოთ - აუცილებლად უნდა მიხვიდეთ არჩევნებზე და არ უნდა მისცეთ ხმა „ოცნებას“, რომელიც დღეს თქვენ გიყენებთ“,- განაცხადა გახარიამ.

შეგახსენებთ, დღეს, 23 ოქტომბერს თბილისში, თავისუფლების მოედანზე „ქართული ოცნება“  საარჩევნო კამპანიის დასკვნით ღონისძიებას მართავს.

ავტორი: ექსპრესნიუსი,

სოციალური ქსელები

ლონდონში დააკავეს კაცი, რომელიც 14 წლის დიშვილს აუპატიურებდა და 20 წელი აქვს მისჯილი

ადვოკატის თქმით, დავითაძისადმი სოლიდარობის გამო პატიმარს სცემეს და ბათუმის ციხეში გადაიყვანეს

ირაკლი ჩხვირკიას ადვოკატი აცხადებს, რომ პროკურატურას საპროცესო შეთანხმების გაფორმებასთან დაკავშირებით მიმართავენ

ქადაგიშვილი - კარგია, როდესაც ადამიანები ათვითცნობიერებენ, ინანიებენ ჩადენილ დანაშაულს