2024-10-22 11:38:03, 270 ნახვა
პოლიტიკა
ჰერჩინსკი - გთხოვთ, მიდით არჩევნებზე და მიეცით ხმა მთავრობას, რომელიც თქვენს ნებას გამოხატავს
გთხოვთ, მიდით არჩევნებზე და მიეცით ხმა მთავრობას, რომელიც თქვენს ნებას გამოხატავს,- ამის შესახებ საქართველოში ევროკაშვირის ელჩმა, პაველ ჰერჩინსკიმ განაცხადა. როგორც ჰერჩინსკიმ მედიის წარმომადგენლებთან საუბრისას აღნიშნა, საქართველო-ევროკავშირს შორის ურთიერთობები „ისტორიულ მინიმუმზეა“. „გულწრფელად გეტყვით, ოთხ დღეში შესაძლებლობა გექნებათ, წახვიდეთ და თქვენი მომავალი მთავრობა აირჩიოთ. არჩევნები დემოკრატიის ზეიმია. ეს არის დღე, როდესაც თითოეულ თქვენთაგანს შეგიძლიათ, გადაწყვიტოთ თქვენი და თქვენი შვილების მომავალი. გთხოვთ, მიდით არჩევნებზე და მიეცით ხმა მთავრობას, რომელიც თქვენს ნებას გამოხატავს. ორი დღის წინ, თბილისში ბედნიერების, სიხარულის დღე ვნახეთ - ახალგაზრდები ევროკავშირის დროშებით. ისინი უკეთეს მომავალს იმსახურებენ. შესაძლებლობები აქ უნდა გქონდეთ, ლამაზ საქართველოში და სხვაგან არ უნდა ეძებდეთ უკეთეს მომავალს. საქართველოსა და ევროკავშირის ურთიერთობები ისტორიულ მინიმუმზეა დასული, რაც ნათელია, რომ არის ხელისუფლების ნაბიჯების შედეგი. ნახეთ, რა ხდებოდა მოლდოვაში. საკუთარი შვილების მომავლისთვის მიეცით ხმა. ევროკავშირი გარანტიაა უკეთესი ცხოვრებისთვის და არა მხოლოდ ზოგიერთი მდიდარი ადამიანისა და მათი ლიმუზინებისთვის, არამედ ყველა ქართველისთვის. ყველა კარი ღიაა საქართველოსთვის, მაგრამ თქვენ გარდა, ამას ვერავინ გააკეთებს. ეს თქვენი ქვეყანაა, თქვენი არჩევანია“,- განაცხადა ევროკავშირის ელჩმა. ავტორი: ექსპრესნიუსი, პრეზიდენტი პრემიერობის კანდიდატსა და ტექნიკური მთავრობის შემადგენლობას არჩევნების შემდეგ დაასახელებს
პუტინი - რუსეთსა და ჩინეთს შორის თანამშრომლობა მსოფლიოში ერთ-ერთი მთავარი სტაბილიზაციის ფაქტორია
ზელენსკი - უკრაინა ოკუპირებული ტერიტორიების დათმობის სანაცვლოდ ნატოში გაწევრიანებას არ განიხილავს
ზურაბიშვილი მოლდოვაზე და უკრაინაზე - დარწმუნებული ვარ, ევროკავშირში სამივე ერთად ძალიან მალე შევალთ
|
ომი უკრაინაშიზელენსკი - უკრაინა ოკუპირებული ტერიტორიების დათმობის სანაცვლოდ ნატოში გაწევრიანებას არ განიხილავს
უკრაინის ქალაქ სუმიზე რუსული დრონებით შეტევის შედეგად 3 ადამიანი დაიღუპა
არჩევნები 2024
26 ოქტომბრის არჩევნებისთვის ამომრჩეველთა საერთო რაოდენობა 3 508 294-ს შეადგენს
პრეზიდენტის ადმინისტრაციის უფროსი - მოვუწოდებთ ცესკოს, დაუყოვნებლივ მიიღოს გადაწყვეტილება სტრასბურგში საარჩევნო უბნის გახსნაზე
ვიდეო/LIVE საქართველოს დამოუკიდებლობის დღე - პირდაპირი
ევროკავშირის 13 ქვეყანა: საქართველო ვერ გახდება ევროკავშირის წევრი, თუ კურსს არ შეცვლის
მთავარი თემა
|