პარლამენტის თავმჯდომარე შალვა პაპუაშვილი ცენტრალური საარჩევნო კომისიის თავმჯდომარის, გიორგი კალანდარიშვილის იმ განცხადებას აფასებს, რომლის თქმითაც, "ადმინისტრაციის ზოგიერთმა თანამშრომელმა მიიღო სატელეფონო შეტყობინებები, რომლითაც მოუწოდებენ მათ, უარი თქვან არჩევნების ორგანიზებაში მონაწილეობაზე, დატოვონ სამსახური და ამის შესახებ საჯარო განცხადება გააკეთონ".

როგორც პაპუაშვილი აცხადებს "ეს არის ძალიან შემაშფოთებელი ფაქტი. მნიშვნელოვანია, რომ ამით დაინტერესდნენ მათ შორის, სამართალდამცავი ორგანოები, ვინაიდან ეს არის ზეწოლა საარჩევნო ადმინისტრაციის წარმომადგენლებზე".

ამასთან, პარლამენტის თავმჯდომარე აღნიშნავს, რომ ეს პირველი შემთხვევა არ არის და იხსენებს 2020 წლის არჩევნებს, როდესაც "მათ შორის, იმდროინდელ ცესკოს თავმჯდომარეზე, თამარ ჟვანიაზე ფარული თუ ღია ბულინგი მიმდინარეობდა". 

„ეს ახალი ხომ არ არის, გაიხსენეთ 2020 წელი, არჩევნების წინაც და არჩევნების შემდეგ როგორი ზეწოლა იყო მაშინ ცესკოზე. მათ შორის, მაშინდელ ცესკოს თავმჯდომარეზე, ქალბატონ ჟვანიაზე  იყო პირდაპირი, როგორც ფარული, ისე ღია ბულინგი მის წინააღმდეგ. ოპოზიციის სტილი ეს არის, რომ ადამიანებზე ჰქონდეს ზეწოლა. ერთის მხრივ, კარგია, რომ ეს გასაჯაროვდა და ყველაზე კარგი წამალი არის ყველა ამ ფაქტის გასაჯაროება. ყველა უნდა იქნას მხილებული, თუკი ასეთი ზეწოლა ხდება  და ვფიქრობ, სამართალდამცავი ორგანოებიც უნდა დაინტერესდნენ ამ საკითხით“,- აღნიშნა შალვა პაპუაშვილმა.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.