დღეს საკონსტიტუციო სასამართლომ რუსეთის მსახური ხელისუფლების გზა გააგრძელა და იმ მოსამართლეებმა, რომლებმაც ვერ გაბედეს, დაეცვათ საქართველოს კონსტიტუცია, საკუთარი თავები იმ 84 რუსი დეპუტატის სიას მიამატეს, რომლებმაც “რუსულ კანონს“ ხელი მოაწერეს,- ამის შესახებ “ძლიერი საქართველოს“ ლიდერმა, ანა ნაცვლიშვილმა განაცხადა.

ნაცვლიშვილის თქმით, “როდესაც სასამართლო ხელისუფლება არ და ვერ იცავს ქვეყნის კონსტიტუციას, კონსტიტუციის დაცვის უფლებაც და ვალდებულებაც მოქალაქეებს ეკუთვნით“.

“მე მინდა გამოვეხმაურო საქართველოს საკონსტიტუციო სასამართლოს ისტორიულ სირცხვილს. დღეს საკონსტიტუციო სასამართლომ გააგრძელა რუსეთის მსახური ხელისუფლების გზა და იმ მოსამართლეებმა, რომლებმაც ვერ გაბედეს, დაეცვათ საქართველოს კონსტიტუცია, თავიანთი თავები მიამატეს 84 რუსი დეპუტატის სიას, რომლებმაც ხელი მოაწერეს “რუსულ კანონს“.

ეს არის სამარცხვინო ფურცელი ამ ქვეყნის საკონსტიტუციო სასამართლოს და სამართალწარმოების ისტორიაში, მაგრამ მე ეჭვიც არ მეპარება, რომ ამ სამარცხვინო ფურცელს გადაწერს და გამარჯვებად გადააქცევს ქართველი ხალხი 26 ოქტომბრის არჩევნებზე.

 საკონსტიტუციო სასამართლომ ვერ და არ დაიცვა კონსტიტუციის 78-ე მუხლი და ამით უარი უთხრა საქართველოს ათიათასობით მოქალაქეს და კონსტიტუციაში დაფიქსირებულ ურყევ ნებას, რომ ამ ქვეყნის მომავალი არის ევროკავშირში. ამიტომ, როდესაც აღმასრულებელი ხელისუფლება, როდესაც საკანონმდებლო ხელისუფლება და ახლა უკვე სასამართლო ხელისუფლება არ და ვერ იცავს ქვეყნის კონსტიტუციას, კონსტიტუციის დაცვის უფლებაც და ვალდებულებაც ეკუთვნით მოქალაქეებს და დიახ, ეს გადაწყვეტილება კიდევ ერთხელ ხაზგასმით და საბოლოოდ ადასტურებს იმას, რომ ერთადერთი, ვის ხელშიც ახლა არის საქართველოს ევროპული მომავლის გადარჩენა, ესენი არიან საქართველოს მოქალაქეები და ეს დღე, ძალიან მალე, 26 ოქტომბერს დადგება.

ვწუხვარ, რომ საკონსტიტუციო სასამართლომ სამარცხვინო გაუბედაობა გამოიჩინა, მაგრამ მახარებს, რომ ამ ვითარებაშიც კი გამოჩნდნენ გამონაკლისი მოსამართლეები, რომლებმაც მიიღეს კონსტიტუციის დაცვის გადაწყვეტილება. ეს კიდევ ერთხელ აჩვენებს, რომ ყველა სიტუაციაში არის შესაძლებლობა ადამიანმა შეინარჩუნოს პროფესიული ღირსება, განახორციელოს სამოქალაქო პასუხისმგებლობა და დადგეს ისტორიის სწორ მხარეს. საქართველოს მოქალაქეების აბსლუტური უმრავლესობა დადგება ისტორიის სწორ მხარეს 26 ოქტომბერს“,- განაცხადა ნაცვლიშვილმა.

შეგახსენებთ, საქართველოს საკონსტიტუციო სასამართლომ შუამდგომლობა, რომ „უცხოური გავლენის გამჭვირვალობის შესახებ“ კანონი საბოლოო გადაწყვეტილებამდე შეჩერდეს, არ დააკმაყოფილა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.