თბილისის მერმა, კახა კალაძემ მედიის წარმომადგენლებთან განაცხადა, რომ საქართველოს საარჩევნო პროცესებში უცხო ძალები ჩარევას ცდილობენ.

კალაძის თქმით, ევროკავშირის ელჩის განცხადებები საქართველოსთან დაკავშირებით პირდაპირ პოლიტიკაში ჩარევაა, რაც "კატეგორიულად მიუღებელია".

“რამდენიმე დღის წინ ვნახეთ საარჩევნო კამპანიაში ჩარევის მცდელობები. კატეგორიულად მიუღებელია თუნდაც ევროკავშირის ელჩის ის განცხადებები, რაც მოვისმინეთ. ეს არის პირდაპირ მცდელობა საარჩევნო კამპანიაში ჩარევის. ასევე, ზოგიერთი ტელევიზიის გადაწყვეტილებები ზოგიერთი კლიპის არგაშვებასთან დაკავშირებით, ფუნდამენტად მოჰყავთ, რაზე დაყრდნობითაც იღებენ ამ გადაწყვეტილებას - ის, რომ ეს ევროკავშირის ელჩს არ მოსწონს. ეს დამოკიდებულება კატეგორიულად მიუღებელია. ევროკავშირის ელჩი წარმოადგენს ყველა იმ სახელმწიფოს, რომელიც ევროკავშირშია გაწევრიანებული, შესაბამისად  ჩვენ იმ ქვეყნებს, მათ საგარეო საქმეთა სამინისტროებს უნდა დავუგზავნოთ შესაბამისი წერილი, ვუთხრათ, რა ხდება რეალურად, როგორი მცდელობაა, ამ ქვეყნების სახელით ჩაერიონ საქართველოში პოლიტიკურ და საარჩევნო პროცესებში“,- განაცხადა კალაძემ.

თბილისის მერის თქმით, “არ არსებობს არცერთი რეალური მიზეზი, რის გამოც ევროკავშირმა შეიძლება საქართველოს სავიზო შეზღუდვა დაუწესოს“.

“რატომ უნდა დააწესოს ევროკავშირმა სავიზო შეზღუდვა, ხელჩასაჭიდი ხომ უნდა იყოს რაიმე?! საქართველოს მთავრობას უნდა გადაედგა ისეთი ნაბიჯი, რაც დამანგრეველი, დამაზიანებელი იქნებოდა ან ასცდა ევროპულ კურსს. რეალობაში მსგავსი არაფერი არსებობს. რაც შეეხება გამჭვირვალობის კანონს, მისი აუცილებლობაც არ დადგებოდა დღის წესრიგში, რომ არა ის დაფინანსებები, რაც პირდაპირ ხელს უწყობდა რევოლუციურ სცენარს, ექსტრემიზმს, ჩვენი ქვეყნის მოსახლეობის დაპირისპირებას. გამოდიოდნენ არასამთავრობო ორგანიზაციები და ხელისუფლების გადადგომას მოითხოვდნენ. რომ არა ეს პროცესები, ამ კანონის აუცილებლობა არ დადგებოდა დღის წესრიგში. თუ შეიცვლება მიდგომები, გამჭვირვალობის კანონის აუცილებლობაც აღარ იქნება მომავალში“,- აღნიშნა კალაძემ.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.