2024-10-07 15:47:13, 268 ნახვა
პოლიტიკა
გვარამია - პროცესი მიდის ძალიან სწორად - პრეზიდენტის ინიციატივა დროულია
პროცესი, ჩემი აზრით, მიდის ძალიან სწორად, პრეზიდენტის ინიციატივა არის დროული და სწორი,- ამის შესახებ "კოალიცია ცვლილებისთვის" ერთ-ერთმა ლიდერმა, ნიკა გვარამიამ პრეზიდენტ სალომე ზურაბიშვილთან შეხვედრის შემდეგ მედიასთან საუბრისას განაცხადა. როგორც გვარამიამ აღნიშნა, ხელისუფლების მშვიდობიანი გადაბარება არის უმნიშვნელოვანესი და "ერთადერთი ადამიანი, ვინც ამაზე შეიძლება, პასუხისმგებლობა აიღოს იმგვარად, რომ ყველანი მეტ-ნაკლებად ვიყოთ პროცესებში ჩართული, არის პრეზიდენტი". "პროცესი, ჩემი აზრით, მიდის ძალიან სწორად, პრეზიდენტის ინიციატივა არის დროული და სწორი. რაციონალური, სახელების, გვარების და კულუარული განხილვების პროცესი ეს არ არის. ესაა პროცესი, თუ როგორ შევჩერდეთ სწორ ფორმულაზე, რომ საზოგადოებაში იყოს სტაბილურობის განცდა და იმის განცდა, რომ პროდასავლური ოპოზიცია ვთანხმდებით ანტიევროპული კრიზისიდან გამოყვანაზე. ამომრჩეველს სჭირდება სტაბილურობის განცდა და ჩვენი ერთიანობის დანახვა. ყველას აქვს თავისი პარტიული არჩევანი, მაგრამ ყველა უნდა ვამბობდეთ, რომ ჩვენ მზად ვართ, ურთიერთდაპირისპირების გარეშე ქვეყანა გამოვიყვანოთ კრიზისიდან. ჩვენ ამისი ვალდებულება გვაქვს ჩვენი ამომრჩევლის, ისტორიის და მომავალი თაობის წინაშე. პრეზიდენტის როლი შეუფასებელია ამ თვალსაზრისით და მადლობა მას, რომ ასეთი რამ აიღო საკუთარ თავზე. კონკრეტული სახელები და გვარები არ დასახელებულა, თუმცა ეს არ გამორიცხავს, რომ სამომავლოდ იყოს და ჩვენი შეთანხმებაც იყოს, მთავარი რომ ეს არის გარდამავალი, ტექნიკური, მცირე დროით არჩეული ადმინისტრაცია, რომელიც ქვეყანაში ოპოზიციასაც მისცემს დროს, რომ მოხდეს შეთანხმებული, სინქრონული მოქმედება კრიზისის დასაძლევად და სტაბილურობის შესანარჩუნებლად. ხელისუფლების მშვიდობიანი გადაბარება არის უმნიშვნელოვანესი რამ და ნებისმიერი რამ, რაც ამის შესაძლებლობას მოგვცემს, არის კარგი და ერთადერთი ადამიანი, ვინც ამაზე შეიძლება პასუხისმგებლობა აიღოს იმგვარად, რომ ყველანი მეტ-ნაკლებად ვიყოთ პროცესებში ჩართული, არის პრეზიდენტი",- განაცხადა ნიკა გვარამიამ. შეგახსენებთ, საქართველოს პრეზიდენტი სალომე ზურაბიშვილი ოპოზიციურ პარტიებთან კონსულტაციებს მართავს. ავტორი: ექსპრესნიუსი, კაკაბაძე - ჰერჩინსკიმ თითქოს უარყო „ფორმულას“ მიერ გავრცელებული განცხადება, თუმცა, საქართველოს ხელისუფლების მიმართ იმდენი დატუქსვა და მუქარა დაურთო, რომ გასაგები გახადა მიზნის მისაღწევად დაგეგმილი მოქმედება
პაპუაშვილი გახარიას გუნდის წევრზე - ზურაბ ადეიშვილის პროკურორი არის გახარიას გუნდის მთავარი სახე, რომელიც გვემუქრება ადეიშვილის მეთოდებით
„საქართველოს ბანკმა“ ინდივიდუალური მეწარმეებისთვის გათამაშება დაიწყო
კალაძე - მე მინდა ქვეყნის ევროპული მომავალი, მაგრამ არა ისეთი, როგორზეც ევროკავშირის ელჩი საუბრობს
|
ომი უკრაინაშიფეოდოსიაში უკრაინის შეიარაღებული ძალების თავდასხმის გამო ნავთობის საწყობს ცეცხლი გაუჩნდა
უკრაინის გენშტაბი - საომარი მოქმედებების დაწყებიდან დღემდე, უკრაინაში 661 630-მდე რუსი ჯარისკაცი მოკლეს
არჩევნები 2024
ომბუდსმენი მოუწოდებს ცესკოს, ოკუპირებულ ტერიტორიებზე რეგისტრირებულ მოქალაქეებს არჩევნებში მონაწილეობის შესაძლებლობა მიეცეთ
კალაძე - წინასაარჩევნო პროცესი მშვიდ ვითარებაში მიმდინარეობს
ვიდეო/LIVE საქართველოს დამოუკიდებლობის დღე - პირდაპირი
|