პარიზში საფრანგეთის ეროვნულ ასამბლეაზე სიტყვით გამოსვლისას პრეზიდენტმა სალომე ზურაბიშვილმა ქართული ოცნების საარჩევნო კამპანიასა და ბიძინა ივანიშვილზე ისაუბრა. მან კვლავ გააკრიტიკა საქართველოს მმართველი პარტია იმის გამო, რომ უკრაინაში ომი საარჩევნო მიზნებისთვის იარაღად აქცია.

საქართველოს პრეზიდენტის განცხადებით, მმართველი პარტიის დამფუძნებელმა ბიძინა ივანიშვილმა მოსკოვის მხარდასაჭერად ომი გამოუცხადა მეგობრებსა და პარტნიორებს. როგორც ზურაბიშვილმა აღნიშნა, უკრაინაში დანგრეული შენობების გამოსახულმა ბანერებმა „საქართველოს მთელი მოსახლეობის აღშფოთება გამოიწვია, რაც აჩვენებს, რომ ჩვენ სწორ გზაზე ვართ“.

„ქართული ოცნება, კიდევ ერთხელ ვიმეორებ, გადაიქცა ქართულ კოშმარად. ამრიგად, ეს მიდგომა ეწინააღმდეგება ტრადიციას, კულტურას, ქართულ ჰუმანურობას, რაც გვაფიქრებინებს, რომ ევროპასთან გვაქვს საერთო ღირებულებები და სწორედ ამ ღირებულებების წყალობით გვაქვს ევროპული ბედი […]

[ბიძინა ივანიშვილმა] პრაქტიკულად ომი გამოუცხადა ჩვენს 30 წლის პარტნიორებსა და მეგობრებს მოსკოვის მხარდასაჭერად. მან დაადანაშაულა ჩვენი პარტნიორები, რომლებიც მონაწილეობდნენ ქართული სახელმწიფოს ჩამოყალიბებაში, ქართულ ჯარსა და პოლიციაში. მან დაადანაშაულა ჩვენი პარტნიორები, რომლებიც მონაწილეობდნენ ქართული სახელმწიფოს ჩამოყალიბებაში, ქართულ ჯარსა და პოლიციაში, თითქოსდა საქართველოში მეორე ფრონტის გახსნის სურვილით, თითქოს ევროპა და აშშ იმ დროს ეძებდნენ კრიზისის ახალ თეატრს. ჩვენს რეგიონში ერთადერთი რუსეთი იყო და რჩება ქვეყანად, რომელიც მუდმივად ხსნიდა ახალ ფრონტებს მეზობლების წინააღმდეგ“, - განაცხადა ზურაბიშვილმა.

პრეზიდენტმა 26 ოქტომბრის საპარლამენტო არჩევნების მნიშვნელობაზე ისაუბრა და მათ ეგზისტენციალური უწოდა. მისი თქმით, თუ „ქართული ოცნება“ არჩევნებში დამარცხდება, მომავალ გაზაფხულზე საქართველო ევროინტეგრაციის გზაზე უკრაინასა და მოლდოვას შეუერთდება, მაგრამ თუ „ქართული ოცნება“ გაიმარჯვებს, „საქართველო აღარ იქნება“.

ზურაბიშვილის თქმით, თუ საქართველო არ გააგრძელებს გზას ევროკავშირისკენ, ეს იქნება დარტყმა სომხეთისთვის, რომელსაც „ხიდი სჭირდება“ და მთელ კავკასიას.

„რუსეთს უნდა ესმოდეს, რომ მას აქვს საზღვრები და მათ პატივი უნდა სცენ ამას; <უნდა გაიგოს>, რომ მას ჰყავს მეზობლები, რომლებსაც პატივი უნდა სცენ - ეს არის რუსეთის განვითარების ერთადერთი გზა, გახდეს ნორმალური სახელმწიფო. ევროპა ვერ იცხოვრებს არანორმალური სახელმწიფოს გვერდით. ჩვენ ვიცით, რას ნიშნავს არანორმალური მდგომარეობის გვერდით ცხოვრება. ეს მიუღებელია, თუ ჩვენ გვინდა მშვიდობა, კეთილდღეობა და განვითარება“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.