ეს არის 2012 წლის შემდეგ არანაკლებად, რაღაც კუთხით უფრო მნიშვნელოვანი არჩევნებიც კი. ეს არანაკლები მნიშვნელობის არჩევნები იქნება, ამიტომ არის ბატონი ბიძინა ივანიშვილი სიის პირველი ნომერი. დღეს საკითხი დგას ასე: ქვეყნის გადარჩენა და მშვიდობა გახდა პრიორიტეტი და ამის საწინააღმდეგო ბრძოლას ჩვენ ვხედავთ განსაკუთრებით ქვეყნის გარედან, - ამის შესახებ "ქართული ოცნების" აღმასრულებელმა მდივანმა, მამუკა მდინარაძემ მმართველი გუნდის საარჩევნო სიის ოცეულის წარდგენის შემდეგ, ჟურნალისტებს განუცხადა.

როგორც მდინარაძემ განმარტა, "ნაციონალური მოძრაობა" და სხვა პოლიტიკური პარტიები, "რეალურად წარმოადგენენ აგენტურას" და ისინი "ქართული ოცნების" ოპონენტები არ არიან.

მისი თქმით, "ქართული ოცნება" "გლობალური ომის პარტიას" უწევს ოპონირებას.

"ნაცმოძრაობა", პოლიტიკური პარტიები, რომლებიც რეალურად წარმოადგენენ აგენტურას და არა პოლიტიკურ სუბიექტებს, არ არიან რეალურად ჩვენი ოპონენტები. პირიქით, ჩვენ ვუწევთ ძალიან დიდ ძალებს ოპონირებას. ჩვენ ვართ გლობალური ომის პარტიის ოპოზიციაში, იმდენად დიდი ძალების საერთო ინტერესი გახლავთ, რომ ეს ქვეყანა მეორე და მესამე ფრონტი იყოს, ეს ქვეყანა პლაცდარმი იყოს იმისათვის, რომ რუსეთი შესუსტდეს. ეს შეიძლება კარგი მიზანი იყოს, მაგრამ, ამისათვის ქვეყანა არ უნდა გავანადგუროთ",- განაცხადა მამუკა მდინარაძემ.

ავტორი: NS (სტატია დაფინანსებულია),

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა