ესტონეთის საგარეო საქმეთა მინისტრი მარგუს ცაჰკნა უნგრეთის პრემიერ-მინისტრ ვიქტორ ორბანის მოსკოვში შესაძლო ვიზიტს ეხმაურება.

როგორც ცაჰკნა სოციალურ ქსელში წერს, ორბანი არ წარმოადგენს ევროკავშირს და არც ევროკავშირის სახელით განხილვის მანდატი აქვს.

"სიტყვები არ მყოფნის, რომ გამოვხატო ჩემი იმედგაცრუება და უკმაყოფილება ორბანის პუტინთან შეხვედრის გეგმის მიმართ. ორბანი არ წარმოადგენს ევროკავშირს და არც ევროკავშირის სახელით განხილვის მანდატი აქვს. ეს შეხვედრა არ შეესაბამებოდა ევროპული საბჭოს თავმჯდომარე ქვეყნის მოვალეობებს. ჩვენ ვდგავართ უკრაინის გვერდით",- წერს ცაჰკნა X-ზე.

ცნობისთვის, უკრაინულმა მედიამ გაავრცელა ინფორმაცია, რომლის მიხედვითაც, უნგრეთის პრე-მინისტრი ვიქტორ ორბანი, საგარეო საქმეთა მინისტრ პიტერ სიიარტოსათან ერთად, რუსეთს ესტუმრება. აღსანიშნავია, რომ ორბანი რამდენიმე დღის წინ ვიზიტით უკრაინაში იმყოფებოდა. მანამდე, უნგრეთი ევროკავშირის საბჭოს თავმჯდომარე ქვეყანა გახდა.

ავტორი: ექსპრესნიუსი,

სოციალური ქსელები

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო

რუსეთმა კიევში კიდევ ერთ ხიდს, დნეპრის მაღალსართულიან შენობასა და ბიზნეს ცენტრს შეუტია, 4 ადამიანი დაშავდა

მედიასაშუალებებმა გაამჟღავნეს flydubai-ს პილოტის ვინაობა, რომელმაც ბორტზე ტერორისტული თავდასხმის განხორციელება სცადა