საფრანგეთში გაიხსნა საარჩევნო უბნები ეროვნული ასამბლეის, საფრანგეთის პარლამენტის ქვედა პალატის ვადამდელი არჩევნების პირველი ტურისთვის, რომელსაც შეუძლია ისტორიული გამარჯვება მოუტანოს მემარჯვენე ნაციონალური მიტინგის პარტიას.
ქვეყნის ევროპულ ტერიტორიაზე ხმის მიცემა დილის რვა საათიდან საღამოს ექვს საათამდე გაგრძელდება. დიდ ქალაქებში, ამომრჩეველთა ნაკადიდან გამომდინარე, საარჩევნო უბნები შესაძლოა 20:00 საათამდე იყოს გახსნილი.
ამავდროულად, საფრანგეთის საზღვარგარეთის ტერიტორიებზე აზიის რეგიონში, მათ შორის ახალ კალედონიაში, ხმის მიცემა თითქმის დასრულებულია.
ორ ტურში, 30 ივნისსა და 7 ივლისს, ფრანგებს 577 დეპუტატის არჩევა მოუწევთ, რომლებიც მათ ინტერესებს წარმოადგენენ ქვეყნის პარლამენტში.
მეხუთე რესპუბლიკის ისტორიაში პირველად ტარდება არჩევნები ასეთ მოკლე დროში. მას შემდეგ, რაც პრეზიდენტმა ემანუელ მაკრონმა 9 ივნისს საღამოს პარლამენტის დაშლის შესახებ გამოაცხადა, პარტიებს სამ კვირაზე ნაკლები დრო ჰქონდათ თავიანთი კანდიდატების დასასახელებლად და საარჩევნო კამპანიის ჩასატარებლად.

ავტორი: ექსპრესნიუსი,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო