ურსულა ფონ დერ ლაიენის კანდიდატურა ევროკომისიის ხელმძღვანელის ახალ ვადით შეთანხმდა. ამის შესახებ Politico ევროკავშირის სამთავრობო სტრუქტურებში წყაროებზე დაყრდნობით იუწყება.

საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლის პოსტს ესტონეთის პრემიერ-მინისტრი კაია კალასი დაიკავებს. ის ჩაანაცვლებს ხოსეპ ბორელს, რომელიც ამ თანამდებობაზე 2019 წლის დეკემბრიდან იყო. ევროსაბჭოს პრეზიდენტი პორტუგალიის ყოფილი პრემიერ-მინისტრი ანტონიო კოსტა იქნება. ეს თანამდებობა ადრე ჩარლზ მიშელს ეკავა.

27 ივნისს, ბრიუსელის სამიტზე, ევროკავშირის წევრი სახელმწიფოს ყველა მეთაურს წარუდგენენ ურუსლა ფონ დერ ლაიენის, კაი კალასისა და ანტონიო კოსტას კანდიდატურებს.

ევროპის სახალხო პარტია (EPP) 6-9 ივნისს გამართულ ევროპარლამენტის არჩევნებში გამარჯვებული გამოვიდა. ამ არჩევნების შედეგად, ფონ დერ ლაიენი, რომელიც ეკუთვნის ქრისტიან-დემოკრატიულ კავშირს (CDU), რომელიც არის EPP-ის ნაწილი, იღებს უფლებას ხელმძღვანელობდეს კავშირის აღმასრულებელ შტოს კიდევ ხუთი წლის განმავლობაში.

ავტორი: ექსპრესნიუსი,

სოციალური ქსელები

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს

გამოკითხვა: ბრიტანელების თითქმის ნახევარი ევროკავშირში დაბრუნებას უჭერს მხარს

ე.წ ქურდულ სამყაროსთან კავშირში მყოფი 80 პირი დააკავეს, 14 პირს ბრალი დაუსწრებლად წარედგინება - ვიდეო