ისრაელის პრემიერ-მინისტრის, ბენიამინ ნეთანიაჰუს განცხადება იმის შესახებ, რომ ამერიკის შეერთებული შტატები იარაღსა და საბრძოლო მასალას ზღუდავს, შეშფოთებას და იმედგაცრუებას იწვევს, - ამის შესახებ თეთრი სახლის ეროვნული უშიშროების საბჭოს სპიკერმა, ჯონ კირბიმ განაცხადა.

კირბის თქმით, ნეთანიაჰუს განცხადება „რბილად რომ ვთქვათ, დამაბნეველი იყო“.

„არ არსებობს სხვა ქვეყანა, რომელსაც უფრო მეტი გაუკეთებია ან გააგრძელებს უფრო მეტის გაკეთებას, ვიდრე ამერიკის შეერთებულმა შტატებმა გააკეთა, რათა დახმარებოდა ისრაელს თავის დაცვაში“, - განაცხადა კირბიმ.

თეთრი სახლის წარმომადგენელი ასევე აღნიშნავს, რომ მას წარმოდგენა არ აქვს, რა იყო ნეთანიაჰუს მოტივაცია ბაიდენის ადმინისტრაციის გაკრიტიკებისას.

„თქვენ უნდა ესაუბროთ პრემიერ-მინისტრს იმის შესახებ, თუ რამ აიძულა მას ამის გაკეთება. კიდევ ერთხელ ვიმეორებ, ეს განცხადება ჩვენთვის რამდენადაც შემაშფოთებელი და იმედგამაცრუებული იყო, იმდენად არასწორი. ასე რომ, ძნელია იმის დადგენა, თუ რას გულისხმობდა ის“, - განაცხადა კირბიმ.

შეგახსენებთ, ისრაელის პრემიერ-მინისტრმა, ბენიამინ ნეთანიაჰუმ სოციალურ ქსელში ვიდეომიმართვა გაავრცელა, სადაც ის აღნიშნავს, რომ ბოლო რამდენიმე თვის განმავლობაში ამერიკის შეერთებული შტატები იარაღსა და საბრძოლო მასალას ზღუდავს. 

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს