2024-06-19 12:43:41, 366 ნახვა
მსოფლიო
მექაში, ჰაჯის დროს, მაღალი ტემპერატურის გამო, 550-ზე მეტი ადამიანი დაიღუპა
მექაში, ჰაჯის დროს, მაღალი ტემპერატურის გამო, სულ მცირე, 550 ადამიანი დაიღუპა. ამის შესახებ ინფორმაციას The Guardian-ი ავრცელებს.
მედიის ცნობით, გარდაცვლილთა შორის, 323 ეგვიპტის, ხოლო 60-მდე იორდანიის მოქალაქეა.
მათივე ინფორმაციით, ტემპერატურა 50 გრადუსს აღემატება, ამიტომაც სხეულის გადახურებისგან 2 000-ზე მეტი ადამიანია საავადმყოფოში გადაყვანილი.
როგორც მედია წერს, საუდის არაბეთის ხელისუფლება იტყობინება, რომ წელს ჰაჯში მონაწილეობა, დაახლოებით 1,8 მილიონმა პილიგრიმმა მიიღო, მათგან 1,6 მილიონი უცხოეთიდანაა.
ავტორი: ექსპრესნიუსი,
epn.ge (@expressnews.ge)
