2024-06-16 12:46:31, 424 ნახვა
მსოფლიო
IDF - ღაზას სამხრეთში აფეთქების შედეგად 8 ისრაელელი სამხედრო დაიღუპა
ღაზას სექტორის სამხრეთ ნაწილში მომხდარ აფეთქებას 8 ისრაელელი სამხედრო ემსხვერპლა. ამის შესახებ ინფორმაციას BBC ისრაელის თავდაცვის ძალებზე (IDF) დაყრდნობით ავრცელებს.
IDF-ის ცნობით, აფეთქდა ავტომობილი, რომელშიც ჯარისკაცები იმყოფებოდნენ.
სამხედროები რაფაჰში, თალ ალ-სულთანის რაიონში ოპერაციიდან ბრუნდებოდნენ.
ისრაელის მედია იტყობინება, რომ ისრაელის ძალებმა ოპერაციის დროს "ჰამასის" 50 მებრძოლი მოკლეს, ხოლო ღაზას ჯანდაცვის სამინისტრომ განაცხადა, რომ ბოლო ერთი დღის განმავლობაში 30 პალესტინელი დაიღუპა.
ავტორი: ექსპრესნიუსი,
epn.ge (@expressnews.ge)
