ლიბანიდან ჩრდილოეთ ისრაელის მიმართულებით ათობით რაკეტა გაუშვეს. ამის შესახებ ინფორმაციას The Times Of Israel-ი ავრცელებს.

მედიის ცნობით, ლიბანმა ისრაელის მიმართულებით რაკეტების გაშვების გადაწყვეტლება ისრაელის საჰაერო დარტყმის შედეგად „ჰეზბოლას“ ერთ-ერთი მეთაურის დაღუპვის შემდეგ მიიღო.

„საჰაერო განგაშის სირენები ამოქმედდა ქალაქებში: საფედში, როშ-პინასა და ტიბერიასში, ასევე გალილეის რამდენიმე დასახლებაში. სოციალურ ქსელებში გავრცელებულ ვიდეოკადრებში ჩანს, როგორ ანადგურებს „რკინის გუმბათი“ რაკეტებს", - წერს მედია.

მათივე ინფორმაციით, დაშავებულების შესახებ ინფორმაცია არ გავრცელებულა.

შეგახსენებთ, გუშინ, სამხრეთ ლიბანზე დარტყმის შედეგად დაიღუპა „ჰეზბოლას“ ერთ-ერთი მეთაური თალებ აბდულა და კიდევ 3 წევრი. აბდულა ითვლება „ჰეზბოლას“ ყველაზე მაღალი რანგის ოფიცრად, რომელიც დაიღუპა მიმდინარე ომის დროს.

ავტორი: ექსპრესნიუსი,

სოციალური ქსელები

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო

აშშ-უკრაინის აღდგენის ფონდმა ხელი მოაწერა პირველ სამთომოპოვებით შეთანხმებას

აშშ-ის იუსტიციის დეპარტამენტმა სასამართლოს სთხოვა, ტრამპს თეთრ სახლში CNN-ის, MS NOW-ისა და Politico-ს შესვლის აკრძალვის ნება დართოს