გაეროს უშიშროების საბჭომ ამერიკის შეერთებული შტატების მიერ შემუშავებულ ისრაელსა და ღაზას შორის ცეცხლის შეწყვეტის გეგმას მხარი დაუჭირა. ამის შესახებ ინფორმაციას BBC ავრცელებს.

მედიის ცნობით, გეგმა მოიცავს შემდეგ პირობებს - ცეცხლის სრულ შეწყვეტას, „ჰამასის“ მიერ დაკავებული მძევლების გათავისფულებას, დაღუპული მძევლების ცხედრების დაბრუნებასა და პალესტინელი ტყვეების გაცვლას.

მათივე ინფორმაციით, რეზოლუციას მხარი 14-მა წევრმა დაუჭირა, ხოლო რუსეთმა ხმის მიცემისგან თავი შეიკავა.

„რეზოლუციაში ნათქვამია, რომ ისრაელმა მიიღო ცეცხლის შეწყვეტის წინადადება და მოუწოდებს „ჰამასსაც", დაეთანხმოს მას“, - წერს მედია.

შეგახსენებთ, ამერიკის შეერთებული შტატების პრეზიდენტმა, ჯო ბაიდენმა აღნიშნული სამფაზიანი გეგმა 31 მაისს წარადგინა. პირველი ეტაპი ეხება მძევლებისა და ტყვეების გაცვლას, ასევე ცეცხლის ხანმოკლე შეწყვეტას; მეორე ეტაპი მოიცავს „საომარი მოქმედებების მუდმივ შეწყვეტას“ და ისრაელის ჯარების სრულად გაყვანას ღაზას სექტორიდან; მესამე ეტაპი ფოკუსირებულია რეგიონის გრძელვადიან პერსპექტივაზე და მოიცავს ღაზას რეკონსტრუქციის მრავალწლიან გეგმას.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს