მამაკაცი, რომელიც კოპენჰაგენის ცენტრში თავს დაესხა დანიის პრემიერ-მინისტრ მეტე ფრედერიკსენს, 39 წლის პოლონეთის მოქალაქე იყო. სასამართლომ ის 12 დღით დააკავა. ამის შესახებ დანიური გამოცემა Ekstra Bladet იტყობინება.

სასამართლოზე მან დანაშაული აღიარა და თქვა, რომ იცოდა ვის დაარტყა. თავდამსხმელის მოტივი ჯერჯერობით უცნობია.

Ekstra Bladet-ის თანახმად, პოლონელი არ ლაპარაკობს და არც ესმის დანიური. დაკავების დროს ის ალკოჰოლისა და ნარკოტიკების ზემოქმედების ქვეშ იმყოფებოდა.

დაკავებულის ვინაობა არ სახელდება.

ფრედერიკსენის ოფისში განაცხადეს, რომ პრემიერ-მინისტრმა მცირე დაზიანება მიიღო, მაგრამ ინციდენტით შოკირებულია. შაბათის ყველა ღონისძიება მთავრობის მეთაურის მონაწილეობით გაუქმდა.

BBC აღნიშნავს, რომ თავდასხმა მოხდა მას შემდეგ, რაც პრემიერ-მინისტრმა მონაწილეობა მიიღო სოციალ-დემოკრატიული პარტიის საარჩევნო ღონისძიებაში, რომელსაც ის ხელმძღვანელობს.

ევროკომისიის ხელმძღვანელმა ურსულა ფონ დერ ლაიენმა, ისევე როგორც დანიელმა პოლიტიკოსებმა - ფრედერიკსენის მხარდამჭერებმაც და კრიტიკოსებმა - დაგმეს პრემიერ მინისტრზე თავდასხმა.

ავტორი: ექსპრესნიუსი,

სოციალური ქსელები

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა

მე-6 პენიტენციურ დაწესებულებასთან გიორგი დავითაძის ოჯახის წევრები აქციას მართავენ, ადგილზე ხმაურიც იყო