ეკონომიკისა და მდგრადი განვითარების მინისტრის, ლევან დავითაშვილის განცხადებით, ანაკლიის ღრმაწყლოვანი პორტის პროექტში წინადადება მხოლოდ ჩინურმა კონსორციუმმა წარადგინა.

როგორც დავითაშვილმა ცოტა ხნის წინ გამართულ ბრიფინგზე თქვა, გამარჯვებული რამდენიმე დღეში გამოვლინდება.

"როგორც ცნობილია, ჩვენ გვქონდა ანააკლიის ღრმაწყლოვანი ნავსადგურის პროექტის განხორციელების ძალიან მნიშვნელოვანი ფაზა. მიმდინარეობდა კერძო პარტნიორის შერჩევა. როგორც ცნობილია, ანაკლიის ღრმაწყლოვანი ნავსადგურის პროექტზე გამოცხადებული იყო კერძო პარტნიორებისთვის საკვალიფიკაციო მოთხოვნები, რომლებიც ორმა პრეტენდენტმა დააკმაყოფილა, ეს იყო შვეიცარიულ-ლუქსემბურგული კომპანია და ასევე, ჩინურ-სინგაპურული კონსორციუმი, რომლებსაც 2024 წლის 20 მაისამდე ჰქონდათ ვადა, რომ წარმოედგინათ ტექნიკურ-კომერციულ-ფინანსური წინადადებები. აგრეთვე ხელშეკრულებებზე კომენტარები. ეს ვადა უკვე გავიდა...

20 მაისს, ანაკლიის ღრმაწყლოვანი განვითარების სააგენტოში წინადადება წარმოადგინა მხოლოდ ჩინურმა კონსორციუმმა, ეს არის კომპანია CCC და "ჩაინა ჰარბურ ინვესტმენტი", რომელსაც ჰყავს ორი მნიშვნელოვანი ქვეკონტრაქტორი CRBC და "ჩინგაო პორტ ინტერნეიშენალი". "ჩინგაო პორტი" ტვირთბრუნვის მიხედვით მსოფლიოში მე-6, მე-7 ადგილზეა და ერთ-ერთი ყველაზე დიდი კომპანიაა. 

უახლოეს დღეებში გვექნება წინადადებების შეფასება კომისიის მიერ და გამოვავლენთ გამარჯვებულს უახლოეს რამდენიმე დღეში. ამის შემდეგ დავიწყებთ მოლაპარაკებებს კონცესიის ხელშეკრულების პირობებთან დაკავშირებით და ასევე პარტნიორთა შეთანხმებებზე შეიძლება საჭირო იყოს რამდენიმე კვირიანი პროცესი. საბოლოოდ ჩვენ უკვე გავაფორმებთ ხელშეკრულებას კერძო პარტნიორთან",- განაცხადა დავითაშვილმა.

ავტორი: ექსპრესნიუსი,

სოციალური ქსელები

თიბისის მხარდაჭერით საქართველოს სკოლებში AI-ის სწავლება იწყება

დავითაძე ამბობს, რომ ბადრაგები ციხეში უპრეცედენტო პროვოკაციებზე გადავიდნენ, პატიმრებზე ძალადობენ

დეკანოიძე- გავაკეთებთ ყველაფერს, რათა ქართველი ხალხის წინააღმდეგ მიმართული ქმედებებისთვის ივანიშვილმა და მისმა მაფიოზურმა დაჯგუფებამ აგოს პასუხი

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა