რუსეთის თავდაცვის მინისტრის მოადგილე ტიმურ ივანოვი ქრთამის აღების ბრალდებით დააკავეს. ამის შესახებ ინფორმაციას რუსული პროპაგანდისტული მედია TASS-ი ქვეყნის საგამოძიებო კომიტეტზე დაყრდნობით ავრცელებს.

კომიტეტის მიერ გავრცელებული ინფორმაციიდან ირკვევა, რომ დაკავება რუსეთის ფედერაციის სისხლის სამართლის კოდექსის 290-ე მუხლის საფუძველზე მოხდა.

როგორც TASS-ი წერს, სავარაუდოდ, ქრთამის სახით აღებული თანხა მილიონ რუბლს შეადგენს, რის გამოც, ივანოვს, შესაძლოა, 15 წლამდე თავისუფლების აღკვეთა მიესაჯოს.

პროპაგანდისტული მედია ავრცელებს საგამოძიებო კომიტეტის ოფიციალური წარმომადგენლის, სვეტლანა პეტრენკოს განცხადებასაც, რომლის მიხედვითაც, თავდაცვის უწყების მაღალჩინოსნის დაკავების საქმესთან დაკავშირებით "შესაბამისი საგამოძიებო მოქმედებები მიმდინარეობს".

რუსეთის პრეზიდენტის პრესმდივნის, დიმიტრი პესკოვის განცხადებით, პრეზიდენტი ვლადიმერ პუტინი მომხდარის შესახებ ინფორმირებულია, თავდაცვის მინისტრი სერგეი შოიგუ კი, აღნიშნულთან დაკავშირებით წინასწარ გააფრთხილეს.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა