ჯერ სააკაშვილის და ახლა ივანიშვილის "პრომო" ბიჭუნამ ფეხბურთიც დაყო "ნაცებად" და "ქოცებად",- ასე ეხმაურება ყოფილი პრემიერ-მინისტრი და პარტია "საქართველოსთვის" ლიდერი გიორგი გახარია ფეხბურთელ გიორგი ქოჩორაშვილის მამასთან დაკავშირებით თბილისის  მერის, კახა კალაძის განცხადებას.

როგორც გახარია სოციალურ ქსელში წერს, კალაძესა და "მის ამჟამინდელ პატრონს ქართველი ხალხი საკადრის პასუხს გასცემს".

"ამას ახლახან ვურჩიე, ან ფეხბურთისთვის მიეხედა, ან თავისთვის ეშველა. ვერ მიხვდა. მისი არჩევანი გასაგებია. ჯერ სააკაშვილის და ახლა ივანიშვილის "პრომო" ბიჭუნამ ფეხბურთიც დაყო "ნაცებად" და "ქოცებად". ქოჩორაშვილი და ნაკრების ბიჭები მიხედავენ ფეხბურთს და საქართველოს ევროპაშიც ასახელებენ. კალაძეს და მის ამჟამინდელ პატრონს კი, ქართველი ხალხი საკადრის პასუხს გასცემს ყველა იმ უღირსობაზე, რასაც ახლა კადრულობენ",- წერს გახარია "ფეისბუქის" გვერდზე.

ცნობისთვის, თბილისის მერი კახა კალაძე საქართველოს ეროვნული ნაკრების წევრის, ფეხბურთელ გიორგი ქოჩორაშვილისა და მისი მამის, როინ ქოჩარაშვილის მიერ სოციალურ ქსელში გამოქვეყნებულ "პოსტს" გამოეხმაურა და თქვა, რომ როინ ქოჩორაშვილი "ნაცია" და "გახარიას პარტიის წარმომადგენელია".

კალაძემ აღნიშნული განცხადება მას შემდეგ გააკეთა, რაც გიორგი ქოჩორაშვილი და მისი მამა თბილისში, "უცხოური გავლენის გამჭვირვალობის შესახებ" კანონპროექტის წინააღმდეგ გამართულ მარშს  გამოეხმაურნენ. ფეხბურთელმა სოციალურ ქსელში აქ­ცი­ა­ზე გა­და­ღე­ბუ­ლი ფოტო გა­მო­აქ­ვეყ­ნა. როინ ქოჩორაშვილმა კი განცხადება გაავრცელა და თქვა, რომ საქართველოს გზა ევროპაშია.

ავტორი: ექსპრესნიუსი,

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს