ევროკავშირში უკვე ჩაშვებულია ამაზე უფრო მკაცრი რეგულაციები "უცხოური გავლენის გამჭვირვალობის შესახებ", ევროკომისია გავლილი აქვს და უახლოეს დღეებში ევროპარლამენტარები  მიიღებენ და ჩვენ აქეთ გვსაყვედურობენ, არ გააკეთოთო ეს - თქვენთან თუ არის მისაღები, ჩვენთან რატომ არ არის მისაღები?- ამის შესახებ უმრავლესობის წევრი ირაკლი ზარქუა აცხადებს.

როგორც ზარქუამ ჟურნალისტებთან საუბრისას აღნიშნა, ეს ტიპური ორმაგი სტანდარტია.

"უცნაურ შემთხვევასთან გვაქვს საქმე, ტიპური ორმაგი სტანდარტი, ყოველგვარი ღირებულებებისგან დაცლილი ევროპარლამენტართა ჯგუფის მხრიდან, რომლებიც ჩვენ მოგვიწოდებენ, რატომ იღებთო კანონს ღიაობის, გამჭვირვალობის შესახებ. ერთადერთი, ვითხოვთ, ვინც აფინანსებს, დამფინანსებლის სახელი და მიზნობრიობა იყოს გარკვეული, რომ იცოდეს საზოგადოებამ, ვინ აფინანსებს და რა მიზნით. 

პირიქით, ჩვენ იმიტომ გვინდა ევროკავშირი, დასავლეთთან მეტი სიახლოვე, რომ ღიაობა და გამჭვირვალობა, ანგარიშვალდებულება საზოგადოების წინაშე - ეს არის მნიშვნელოვანი და ეს არის მათი ხელწერა - ასე მიგვაჩნია, გვწამს და გვჯერა და რაც დაფარულია, ის არის სწორედ რუსული.

მეტსაც გეტყვით, ევროკავშირში უკვე ჩაშვებულია ამაზე უფრო მკაცრი რეგულაციები "უცხოური გავლენის გამჭვირვალობის შესახებ", რასაც ახლა ვამუშავებთ და ვიღებთ, ევროკომისია გავლილი აქვს და უახლოეს დღეებში ევროპარლამენტარები  მიიღებენ და ჩვენ აქეთ გვსაყვედურობენ, არ გააკეთოთო ეს - რატომ? 

მინდა, ხაზი გავუსვა იმ უსამშობლოების განმარტებებს, რომლებსაც მცდელობა აქვთ, საზოგადოება შეცდომაში შეიყვანონ. თქვეს, რომ როგორც ფრანგულ, ისე ევროპულ კანონში მითითებულია ქვეყნები, ვისაც შეეხება. ტყუილია, ერთადერთი წერია, რომ ეს ევროკავშირის სახელმწიფოებს არ ეხება. ანუ, ეს ნიშნავს, რომ ეხება ამერიკულს, დანიურს, შვეიცარიულს, ავსტრალიურს, ვინც ევროკავშირის წევრი არ არის, ყველა სახელმწიფოს ეხება იმიტომ, რომ უცხოურ ძალად არის ჩათვლილი, მაგრამ ეს არ ნიშნავს, რომ ის შეიძლება მტრული იყოს, მაგრამ დეფინიცია - უცხოური ძალა, რაც წერია ევროპულ კანონპროექტში, ზუსტად ისეა გადმოღებული ჩვენთან და თქვენთან თუ არის მისაღები, ჩვენთან რატომ არ არის მისაღები?- ამბობს ზარქუა.

ავტორი: ექსპრესნიუსი,

სოციალური ქსელები

ცნობილი ფსიქოთერაპევტ ანატოლი კაშპიროვსკის ცხედარი მოსკოვიდან უკრაინის საზღვრისკენ გადაასვენეს, მას უკრაინაში დაკრძალავდნ

ზახაროვა პრორუსი პროპაგანდისტების სანქცირებას დიდი ბრიტანეთის მხრიდან - ეს არის საშინელი ფარისევლობა ბრიტანეთის ხელისუფლების მხრიდან

საქართველოს ბანკის ბიზნეს მენეჯერი განახლდა — ბიზნესის მართვა კიდევ უფრო მარტივია

ზელენსკიმ და დიდი ბრიტანეთის საგარეო მინისტრმა პრილუკიში რუსული სარაკეტო დარტყმის ადგილი მოინახულეს