ევროპარლამენტში ჩვენთვის კარგად ნაცნობი თუ ცუდად ნაცნობი ევროპარლამენტარები აგროვებენ ხელმოწერებს იმისთვის, რომ ზურაბიშვილს სთხოვონ სააკაშვილის შეწყალება,- ამის შესახებ საპარლამენტო უმრავლესობის წევრმა, ნიკოლოზ სამხარაძემ პარლამენტის პლენარულ სხდომაზე განაცხადა.

სამხარაძის თქმით, „აღნიშნული ფაქტი არის ახალი ძალიან დიდი კამპანიის ნაწილი, რომელიც მიმდინარეობს, როგორც ქვეყნის შიგნით, ასევე ქვეყნის გარეთ".

„მინდა, საზოგადოებას ვამცნო იმის შესახებ, რომ ევროპარლამენტში ჩვენთვის კარგად ნაცნობი თუ ცუდად ნაცნობი ევროპარლამენტარები აგროვებენ ხელმოწერებს იმისთვის, რომ ზურაბიშვილს სთხოვონ სააკაშვილის შეწყალება. ისინი ამ ფაქტს უკავშირებენ ნავალნის სამწუხარო გარდაცვალების ფაქტს და სურთ ამაში პარალელები გაავლონ, ანუ ისევ ამოქმედებულია ის ძველი, ასე ვთქვათ, ლობისტური ხაზები, რომლის შესახებაც ჩვენმა საზოგადოება ძალიან კარგად იცის და ეს კიდევ ერთი მცდელობაა, ასე ვთქვათ, აიძულონ თუ ზეწოლა განახორციელონ ზურაბიშვილზე, რომ მან შეიწყალოს სააკაშვილი",- თქვა სამხარაძემ.

ავტორი: ექსპრესნიუსი,

სოციალური ქსელები

კონრად-ადენაუერის ფონდი პაპუაშვილის განცხადებას უარყოფს: „მსგავს საუბარს ადგილი არ ჰქონია“

ირაკლი კობახიძის განცხადებით, ბიძინა ივანიშვილისთვის ამერიკის შეერთებული შტატების მხრიდან დაწესებული სანქციები „საინტერესო არ არის“

უკრაინამ 24 საათის განმავლობაში Yandex-ის მეორე მონაცემთა ცენტრს დარტყა

ირაკლი კობახიძის განცხადებით, საწვავზე აქციზის შემცირების საკითხი არ განიხილება