2024-02-13 20:28:04, 929 ნახვა

---

კაია კალასი - ყოველთვის ვამბობდი, რომ რუსეთის ინსტრუმენტები არ შეცვლილა - უკრაინის მხარდაჭერას გავაგრძელებ

ესტონეთის პრემიერ-მინისტრი კაია კალასი რუსეთის მიერ ძებნილთა სიაში შეყვანის საკითხს გამოეხმაურა.

როგორც კალასი აღნიშნავს, აღნიშნულის გამო ის გაჩერებას არ აპირებს და უკრაინის მტკიცე მხარდაჭერას გააგრძელებს.

„ყოველთვის ვამბობდი, რომ რუსეთის ინსტრუმენტები არ შეცვლილა. ისტორიის განმავლობაში რუსეთი თავის რეპრესიებს ფარავდა ე.წ. სამართალდამცავი ორგანოებით. ეს ვიცი ჩემი ოჯახის ისტორიიდან, როდესაც ბებია და დედაჩემი ციმბირში გადაასახლეს, სახელმწიფო უსაფრთხოების კომიტეტმა დაკავების ორდერი გასცა“, - განაცხადა კალასმა.

ცნობისთვის, რუსეთის შინაგან საქმეთა სამინისტრომ ესტონეთის პრემიერ-მინისტრ კაია კალასზე ძებნა გამოაცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი