თურქეთის პარლამენტმა შვედეთის ნატოში გაწევრიანებას მხარი დაუჭირა. ამის შესახებ ინფორმაციას CNN ავრცელებს.

შვედეთის ჩრდილოატლანტიკურ ალიანსში გაწევრიანებას პარლამენტის 346 დეპუტატიდან 287-მა დაუჭირა მხარი, 55 წინააღმდეგი იყო, 4-მა კი, კენჭისყრაში მონაწილეობისგან თავი შეიკავა.

თურქეთის პრეზიდენტმა, რეჯეფ თაიფ ერდოღანმა შვედეთის ნატოში გაწევრიანების შესახებ ოქმს ხელი 2023 წლის ოქტომბერში მოაწერა და დოკუმენტი პარლამენტს რატიფიკაციისთვის წარუდგინა.

თურქეთის მიერ მიღებული გადაწყვეტილების შემდეგ, შვედეთის ჩრდილოატლანტიკურ ალიანსში გაწევრიანების გზაზე, უნგრეთი რჩება ერთადერთ ქვეყნად, რომელსაც გაწევრიანების პროტოკოლის რატიფიცირება ჯერ არ მოუხდენია, თუმცა როგორც CNN წერს, ქვეყნის პრემიერ-მინისტრმა, ვიქტორ ორბანმა, გაწევრიანების პირობებზე მოლაპრაკებებისთვის, შვედი კოლეგა ულფ კრისტერსონი უნგრეთში უკვე მიიწვია.

ცნობისთვის, შვედეთმა და ფინეთმა ნატოში გაწევრიანების შესახებ 2022 წლის მაისში განაცხადეს.

ფინეთი ალიანსის წევრი 2023 წლის აპრილში გახდა, შვედეთის გაწევრიანებას კი, თურქეთი და უნგრეთი ეწინააღმდეგებოდნენ.

ავტორი: ექსპრესნიუსი,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა