ლოიდ ოსტინმა უკრაინის თავდაცვის საკონტაქტო ჯგუფის მონაწილეებს მოუწოდა, უკრაინის სამხედრო დახმარებისთვის მეტი გააკეთონ

2024-01-23 20:14:47, 781 ნახვა

მსოფლიო

აშშ-ს თავდაცვის მდივანი ლოიდ ოსტინი დისტანციურად დაესწრო უკრაინის თავდაცვის საკონტაქტო ჯგუფის რიგით მე-18 შეხვედრას, სადაც უკრაინის სამხედრო საჭიროებებზე იყო საუბარი.

ოსტინმა საკონტაქტო ჯგუფის შეხვედრის მონაწილეებს მოუწოდა, უკრაინისთვის სამხედრო დახმარების თვალსაზრისით მეტი გააკეთონ.

„უკრაინის ბრძოლა მნიშვნელოვანია ყველა ჩვენი ქვეყნისთვის. უკრაინის არაჩვეულებრივი მებრძოლები აგრძელებენ ბრძოლას კრემლის დამპყრობლების წინააღმდეგ. პუტინი აგრძელებს დიდი რაოდენობის ჯარისკაცების მსხვერპლად გაწირვას მის მიერ არჩეულ უგუნურ და დაუფიქრებელ ომში. პუტინი იმედოვნებს, რომ რაკეტებითა და თვითმფრინავებით შეძლებს უკრაინელი ხალხის დემორალიზაციას და დაარღვევს უკრაინელი სამხედროების საბრძოლო მორალს“, - განაცხადა ოსტინმა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,