ამერიკის შეერთებულმა შტატებმა „ჰუსიტების“ წინააღმდეგ დამატებითი საჰაერო იერიშები განახორციელა. აღნიშნულის შესახებ ინფორმაციას BBC ავრცელებს.

BBC-ის ცნობით, იერიში „ტომაჰავკის” ტიპის ფრთოსანი რაკეტებით განხორციელდა, რომლებიც წითელ ზღვაში დისლოცირებული სამხედრო გემიდან გაუშვეს.

პენტაგონის განცხადებით, დარტყმა გუშინდელი იერიშების გაგრძელება იყო, რაც მიზნად ისახავს, მოუსპოს შესაძლებლობა იემენელ „ჰუსიტებს“, თავდასხმები მოაწყოს წითელ ზღვაში მცურავ კომერციულ გემებზე.

ამასთან, თავად „ჰუსიტები“ აცხადებენ, რომ აშშ-მა რამდენიმე იერიში მიიტანა იემენის დედაქალაქ სანაზე.

შეგახსენებთ, რომ გუშინ, 12 იანვარს ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.

ამერიკის შეერთებული შტატების პრეზიდენტის, ჯო ბაიდენის განცხადებით ამერიკელმა სამხედროებმა იემენში დარტყმები მისი ბრძანებით მიიტანეს.

ავტორი: ექსპრესნიუსი,

სოციალური ქსელები

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე

რუსთავის მე-17 პენიტენციურ დაწესებულებაში პატიმარი გარდაცვლილი იპოვეს