ამერიკის შეერთებული შტატების სამხედრო ძალებმა იემენში, "ჰუსიტების" სამიზნეებს ჩემი ბრძანებით დაარტყეს, - ამის შესახებ ამერიკის შეერთებული შტატების პრეზიდენტის, ჯო ბაიდენის განცხადებაშია აღნიშნული.

ბაიდენის თქმით, აღნიშნული დარტყმები პასუხია იმ უპრეცედენტო თავდასხმებზე, რომლებიც "ჰუსიტებმა" ბოლო პერიოდში წითელ ზღვაში მცურავ საერთაშორისო საზღვაო ხომალდებზე მიიტანეს.

"დღეს, ჩემი ბრძანებით, აშშ-ს სამხედრო ძალებმა - გაერთიანებულ სამეფოსთან ერთად, და ავსტრალიის ბაჰრეინის, კანადისა და ნიდერლანდების დახმარებით - იემენში "ჰუსიტი" ამბოხებულების მართვის ქვეშ მყოფ რამდენიმე სამიზნეზე, რომლებიც მსოფლიოს ერთ-ერთ ყველაზე მნიშვნელოვან საზღვაო გზაზე მიმოსვლის თავისუფლებას უქმნის საფრთხეს, წარმატებით იერიშები მიიტანა.

ეს დარტყმები პასუხია იმ უპრეცედენტო თავდასხმებზე, რომლებიც "ჰუსიტებმა" ბოლო პერიოდში წითელ ზღვაში მცურავ საერთაშორისო საზღვაო ხომალდებზე მიიტანეს. ეს წერტილოვანი იერიშები აშშ-ის ნათელი გზავნილია და ჩვენი პარტნიორები ჩვენს პერსონალზე თავდასხმებს არ მოითმენენ და ნებას არ მისცემენ, მტრულ აქტორებს, მსოფლიოს ერთ-ერთ ყველაზე გადამწყვეტი მნიშვნელობის მქონე კომერციულ გზაზე გადაადგილების თავისუფლება საფრთხეში ჩააგდონ", - აღნიშნულია განცხადებაში.

ცნობისთვის, ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.

ავტორი: ექსპრესნიუსი,

სოციალური ქსელები

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე

რუსთავის მე-17 პენიტენციურ დაწესებულებაში პატიმარი გარდაცვლილი იპოვეს